2018లో రాష్ట్ర రాజకీయాల్లో పెను ప్రకంపనలు సృష్టించిన డాక్టర్ శిల్ప డెత్ మిస్టరీ కేసుకి సంబంధించి ఏ2, ఏ3 నిందితులుగా వున్న ఇద్దరు డాక్టర్లకు ప్రస్తుత వైఎస్ జగన్ ప్రభుత్వం తిరిగి పోస్టింగ్ ఇవ్వడం సర్వత్రా చర్చనీయాంశమవుతోంది. వైద్య కళాశాల ప్రొఫెసర్ల లైంగిక వేధింపులే యువ డాక్టర్ శిల్ప ఆత్మహత్యకు కారణమంటూ అప్పట్లో విద్యార్థి సంఘాలు గళం విప్పాయి. మహిళా సంఘాలు కదం తొక్కాయి. ఈ క్రమంలో రాజకీయ రచ్చ కూడా జరిగింది. ‘ఇది ఆత్మహత్య కాదు, ప్రభుత్వ హత్య..’ అంటూ విపక్షాలూ మండిపడ్డాయి.
వైద్య ఆరోగ్య శాఖ స్పెషల్ సెక్రెటరీగా పనిచేస్తున్న జవహర్రెడ్డి తాను టీటీడీ ఈవోగా బాధ్యతలు స్వీకరించడానికి ముందు సదరు డాక్టర్లకు తిరిగి పోస్టింగ్ ఇస్తూ జీవోపై సంతకం చేయడం పట్ల రాజకీయ వర్గాల్లో పెను ప్రకంపనలు చోటు చేసుకుంటున్నాయి. లైంగికవ వేధింపుల ఆరోపణలు ఎదుర్కొంటున్న వైద్యులకు వివాదాస్పద రీతిలో తిరిగి పోస్టింగ్ ఇవ్వడమేంటన్న ప్రశ్న విపక్షాల నుంచి వస్తోంది. డాక్టర్ శిల్ప ఆత్మహత్య కేసులో డాక్టర్ కిరిటీ, డాక్టర్ శశికుమార్ ఆరోపణలు ఎదుర్కొంటున్న విషయం విదితమే. ఆ ఇద్దరికీ ప్రస్తుతం ఎస్వీ మెడికల్ కాలేజీ ప్రొఫెసర్ మరియు అసిస్టెంట్ ప్రొఫెసర్గా వైఎస్ జగన్ ప్రభుత్వం పోస్టింగ్స్ ఇవ్వడం గమనార్హం.
డాక్టర్ శిల్ప ఆత్మహత్య కేసులో సీఐడీ విచారణ జరుగుతున్న సమయంలోనే నిందితులుగా వున్న ఇద్దరు డాక్టర్లకు పోస్టింగులు ఇవ్వడం వివాదాస్పదమవుతోంది. అయితే, కుటుంబ సమస్యలే శిల్ప ఆత్మహత్యకు కారణమనీ, తమకూ ఆ ఆత్మహత్య ఘటనకూ సంబంధం లేదని డాక్టర్ కిరీటి, డాక్టర్ శివకుమార్ చెబుతున్నారు. ఏదిఏమైనా, వివాదాస్పద అంశాల విషయంలో ప్రభుత్వం కాస్త సంయమనం పాటించాల్సి వుందన్న అభిప్రాయం రాజకీయ విశ్లేషకుల నుంచి వినిపిస్తోంది.
మొత్తమ్మీద, చంద్రబాబు హయాంలో తప్పు.. అన్నది, ప్రస్తుతం వైఎస్ జగన్ హయాంలో ‘ఒప్పు’ అయిపోతోంది. టీటీడీ బోర్డు సభ్యుడు శేఖర్రెడ్డి వ్యవహారంలో వైసీపీనే ‘చంద్రబాబ బినామీ’ ఆరోపణలు చేసి, ఆ వైసీపీ అధికారంలోకి వచ్చాక.. ఆయన్ని తిరిగి టీటీడీ బోర్డు సభ్యుడిగా ఎంపిక చేసిన విషయం విదితమే. రాజకీయాలంటే ఇలాగే వుంటాయ్.!
135887 347511I simply couldnt go away your website before suggesting that I in fact enjoyed the standard details an individual give on your visitors? Is gonna be back regularly as a way to inspect new posts. 107497
768336 349136Im sure your publish and internet website is extremely constructed 958415