షాకింగ్: దిశ నిందితుడి భార్య వయసు అంతేనా..?

నవంబర్ 27 వ తేదీ పేరు చెప్తే తెలంగాణ ప్రజలు భయపడిపోతున్నారు. ఆ రోజు రాత్రి అలా జరగకపోయి ఉంటె బాగుండేది అని అంటున్నారు. బైక్ ను దిశ ఆ ప్రాంతంలో పార్క్ చేయకుండా ఉంటె మరోలా ఉండేది. కనీసం ఆపదలో ఉన్నానని తెలిసినా, 100కి డయల్ చేయకుండా ఉండటంతో నిండుప్రాణాలు కోల్పోవాల్సి వచ్చింది. దారుణంగా ఆమెను అత్యాచారం చేసి హత్య చేశారు. ఇది నిజంగా బాధపడాల్సిన విషయంగా చెప్పాలి.

ఈ ఘటనకు పాల్పడిన నలుగురు నిందితులను పోలీసులు పట్టుకొని విచారించే సమయంలో పారిపోయేందుకు ప్రయత్నం చేశారని చెప్పి వారిని ఎన్ కౌంటర్ చేశారు. దీంతో ఆ నలుగురు అక్కడికక్కడే మృతి చెందారు. ఇదంతా జరిగిపోయిన కథ. ప్రాణం ఎవరిదైనా ప్రాణమే కదా. చనిపోయిన వ్యక్తులు తిరిగిరారు. ఈ విషయంలో కొంతమంది పోలీసులను సపోర్ట్ చేస్తుంటే మరికొందరు మాత్రం నిందితులను ఎన్ కౌంటర్ చేయడం మహానేరం అన్నట్టుగా మాట్లాడుతున్నారు.

దిశ నిందితుల కుటుంబసభ్యులు తమకు ఉన్న ఆసరా పోయిందని, ఇప్పుడు తమ కుటుంబాలు ఎలా బ్రతకాలని అంటున్నారు. దిశ నలుగురు నిందితుల్లో ఒకరికి వివాహమైన సంగతి తెలిసిందే. చెన్నకేశవులు భార్య లక్ష్మి ప్రస్తుతం గర్భవతి. ఆమె గురించి వివరాలను సేకరించే సమయంలో షాకింగ్ నిజం బయటకు వచ్చింది.

ప్రస్తుతం లక్ష్మి వయసు 13 సంవత్సరాల ఆరు నెలలు అని తేలింది. బాల్య వివాహాలు చట్టపరంగా నేరం అనే సంగతి తెలిసిందే. ఈ విషయంలో ఆమె బంధువులను పోలీసులు అదుపులోకి తీసుకోవచ్చు. కానీ, మానవతా దృక్పధంతో ఆ పని చేయలేదు. దీంతో బాలల హక్కుల సంఘం ఈ విషయంలో కలుగజేసుకుంది. ఆమెను బాలల సదన్ కు పంపించాలని, 18 ఏళ్ళు వచ్చే వరకు అక్కడే ఉంచుతామని అన్నారు.

కానీ, ఆమె కుటుంబసభ్యులు అందుకు ససేమిరా అంటున్నారు. కొడుకు పోయాడని, ఇపుడు కోడలను కూడా దూరం చేసుకోలేమని అంటున్నారు. లక్ష్మి తల్లిదండ్రులు లేకపోవడంతో వాళ్ళ బాబాయ్ ఇంట్లోనే పెరిగింది. ఈమెకు ఓ చెల్లి, తమ్ముడు ఉన్నారు. వీరిని బాలల సదన్ కు తీసుకెళ్లే ప్రయత్నం చేస్తున్నారు. ఈ ప్రయత్నాలు ఎంతవరకు ఫలిస్తాయో చూడాలి.