బాలీవుడ్ బాద్ షా షారుఖ్ ఖాన్ తనయుడు ఆర్యన్ ఖాన్ కు కోర్టులో చుక్కెదురైంది. డ్రగ్స్ కేసులో అరెస్టయిన ఆర్యన్ కు బెయిల్ ఇచ్చేందుకు కోర్టు నిరాకరించింది. ఇప్పటికి ఆర్యన్ బెయిల్ కోసం అప్లై చేయడం ఇది మూడో సారి కావడం విశేషం. అయితే.. ఈసారి కూడా అతని బెయిల్ తిరస్కరణకు గురైంది. నార్కొటిక్స్ కంట్రోల్ బ్యూరో (ఎన్సీబీ) స్టేట్మెంట్ ఇచ్చిన తర్వాత ఆర్యన్ బెయిల్ పిటిషన్పై విచారణ జరుగనుంది. ఈ నివేదికను ఎన్సీబీ వచ్చే బుధవారం ఇవ్వనుంది.
ఎన్సీబీ తరపు న్యాయవాదులు ఆర్యన్ ను శుక్రవారం వరకు కస్టడీలో కోరగా కోర్టు తిరస్కరించింది. ఆర్యన్ వద్ద ఎటువంటి డ్రగ్స్ లభించలేదు కాబట్టి అప్పటి వరకూ కస్టడీ అవసరం లేదని ఆర్యన్ తరపు న్యాయవాదులు వాదాంచారు. దీంతో.. ఇరువైపు వాదనలు విన్న కోర్టు బుధవారానికి విచారణను వాయిదా వేసింది. దీంతో ఆర్యన్ మరో మూడ్రోజులపాటు జైలులోనే ఉండాల్సి ఉంది.