మందు ప్రాణం నిలబెడుతుందంటే ఎందుకు వివాదం: చినజియర్ స్వామి

నెల్లూరు జిల్లా కృష్ణప‌ట్నం ఆనంద‌య్య మందుపై చినజియర్ స్వామి స్పందించారు. ఎర్రగ‌డ్డలోని ఈఎస్ ఐ ఆస్పత్రిని స్వామిజీ సంద‌ర్శించారు. ఈ సంద‌ర్భంగా ఆయ‌న వైద్య సిబ్బందితో మాట్లాడారు.

అనంతరం మాట్లాడుతూ.. ఓ మందు ప్రాణం నిలబెడుతుందంటే ఎందుకు వివాదం అవుతోంద‌ని చిన‌జీయ‌ర్‌స్వామీ ప్రశ్నించారు. ఆనందయ్య మందు వల్ల దుష్ప్రభావాలు లేవు. పైగా.. మందును ఉచితంగా ఇస్తున్నప్పుడు ఇంక వివాదానికి తావు ఎక్కడుందని ప్రశ్నించారు. సడన్ గా కొత్త ప్రొటోకాల్స్ రావడం.. విపత్తు సమయంలో వివాదాలు రావడం సరికాదు.

వ్యవస్థ అల్లోపతిని అంగీకరించిందని.. మంచి ఎక్కడి నుంచైనా తీసుకోవచ్చని అన్నారు. కరోనా పాజిటివ్ వచ్చిన వ్యక్తికి ధైర్యం ఇవ్వాలి కానీ.. పరిస్థితులు భయపెట్టేలా ఉంటున్నాయని అన్నారు.