ఇంట్లో ఓ సమస్య వస్తే ఏం చేస్తాం.? ఇంటి పెద్ద వద్దనే పంచాయితీ పెడతాం. తమ ప్రభుత్వ నిర్ణయాల్ని హైకోర్టు తీవ్రంగా వ్యతిరేకిస్తోంది గనుక.. ‘పంచాయితీ’ సుప్రీంకోర్టులో పెట్టింది వైఎస్ జగన్ ప్రభుత్వం. ముఖ్యమంత్రి వైఎస్ జగన్, సుప్రీంకోర్టు చీఫ్ జస్టిస్కి రాష్ట్ర హైకోర్టు న్యాయమూర్తుల మీదా, సుప్రీంకోర్టు న్యాయమూర్తి జస్టిస్ ఎన్వీ రమణ మీదా ఫిర్యాదు చేసిన విషయం విదితమే. ఈ విషయమై న్యాయ నిపుణుల నుంచి రకరకాల అభిప్రాయాలు వ్యక్తమవుతున్నాయి. టీడీపీ అనుకూల మీడియా ఒకలా, వైసీపీ అనుకూల మీడియా ఇంకొకలా.. న్యాయ కోవిదుల నుంచి ‘అభిప్రాయాల్ని రాబడుతున్నాయి’.!
భిన్నత్వంలో ఏకత్వం.. అనేది మన ప్రజాస్వామ్యం తాలూకు గొప్పతనం. కానీ, ఇక్కడ.. పరిస్థితి వేరు. ఎవరికి తోచిన అర్థంలో వారు మాట్లాడుకుంటున్నారు. న్యాయ కోవిదులూ ఇందుకు అతీతమేమీ కాదు. ఫలానా న్యాయ కోవిదుడు ఇలా అభిప్రాయపడ్డాడు.. అని ఓ వార్త వస్తే, దానికి పూర్తి వ్యతిరేకంగా.. ఫలానా న్యాయ కోవిదుడు ఇలా చెప్పాడు.. అంటూ ఇంకో వార్త వస్తోంది. ఏది నిజం.? అంటే, ఆ పంచాయితీ ఇప్పట్లో తేలేది కాదు.
సుప్రీంకోర్టు చీఫ్ జస్టిస్, ఈ వ్యవహారంపై నిర్ణయం తీసుకుంటే తప్ప, ఎవరిది తప్పన్నది తేలేలా కనిపించడంలేదు. ఈలోగా, న్యాయ వ్యవస్థపై వీలైనంత ఎక్కువ బురద చల్లేస్తున్నాయి మీడియా సంస్థలు, రాజకీయ పార్టీలు. ‘సుప్రీంకోర్టు న్యాయమూర్తి అయినా.. ఆయన కూడా ఓ మనిషే కదా.. ఆయన మీదా రాజకీయ ప్రభావాలు వుంటాయి కదా..’ అన్నది ఓ వాదన. ఆరోపణలు ఎదుర్కొంటున్న జస్టిస్ ఎన్వీ రమణ మాత్రం, ‘ఒత్తిళ్ళను తట్టుకుని ధైర్యంగా నిలబడాలి..’ అంటూ తాజాగా సంచలన వ్యాఖ్యలు చేశారు ఓ కార్యక్రమంలో.
ఓ కోర్టు తీర్పుని ఇంకో కోర్టులో సవాల్ చేసే అవకాశం వున్నప్పుడు, కింది కోర్టుల తీర్పుల్ని పైకోర్టులు కొట్టివేసిన సందర్భాలు చాలానే వున్నప్పుడు, న్యాయ వ్యవస్థపై రాజకీయ పంచాయితీ అర్థమేముంది.? అన్నది మెజార్టీ న్యాయ కోవిదుల అభిప్రాయం. ఏ కేసులో అయినా తీర్పు కొందరికి నచ్చకపోవడం సర్వసాధారణం. అలాగని, న్యాయవ్యవస్థనే తప్పుపడుతూ పోతే ఎలా.? పంచాయితీ తీర్చాల్సింది ఇంటి పెద్ద.. అదే సుప్రీంకోర్టు చీఫ్ జస్టిస్ బాబ్డే. కానీ, అక్కడిదాకా ఈ వ్యవహారం వెళ్ళడం అవసరమా.? అన్నదే మిలియన్ డాలర్ల ప్రశ్న. ఇకపై, ప్రతి చిన్న కేసులోనూ సుప్రీంకోర్టు చీఫ్ జస్టిస్కే ఫిర్యాదులు చేసుకుంటూ పోతే.. న్యాయవ్యవస్థ ఆ ఒత్తిడిని తట్టుకోగలదా.?
496566 262076I believe this internet website has got extremely excellent indited articles content . 515007
653434 333223So funcy to see the write-up within this weblog. Thank you for posting it 34795