ప్రత్యర్థిపై మాటల తూటాలు పేల్చేశామనుకుని జబ్బలు చరుచుకుంటే ఏం ప్రయోజనం.? అట్నుంచి కూడా దూసుకొస్తాయ్ అంతకన్నా ఘాటైన విమర్శలు. ఈ విషయం రాజకీయ నాయకులకు తెలియక కాదు.. తెలిసే అర్థం పర్థం లేని విమర్శలు చేస్తారు.. నాలుగు తిడతారు, నలభై నాలుగు తిట్టించుకుంటారు.. ఏం చేసినా, పబ్లసిటీ కోసమే. ఇంత పబ్లిసిటీ కక్కుర్తి రాజకీయాల్లో ఇంతకుముందెన్నడూ లేదన్నది నిర్వివాదాంశం.
అసలు విషయానికొస్తే, వైసీపీ ముఖ్య నేత విజయసాయిరెడ్డి.. మాజీ ముఖ్యమంత్రి, టీడీపీ అధినేత నారా చంద్రబాబునాయుడిని ఉద్దేశించి ‘నువ్వొక చచ్చిన విష సర్పం’ అంటూ విమర్శించేశారు. సరే, చంద్రబాబు ఏంటి.? అన్నది వేరే చర్చ. వైసీపీ ముఖ్య నేతగా, ఆ పార్టీ రాజ్యసభ సభ్యుడిగా విశాఖ ఉక్కు ప్రైవేటీకరణకు వ్యతిరేకంగా ‘బుసకొట్టిన’ విజయసాయిరెడ్డి.. కేంద్రం, విశాఖ ఉక్కు ప్రైవేటీకరణ దిశగా ముందడుగు వేస్తోంటే ఏం చేస్తున్నారు.? ఇంకేం చేస్తారు.? జీవీఎంసీ ఎన్నికల నేపథ్యంలో ప్రత్యర్థి పార్టీల్ని దెబ్బకొట్టే వ్యూహాలు రచిస్తున్నారు.
చంద్రబాబు విష సర్పమైతే, విజయసాయిరెడ్డి బురద పాము.. అనే చర్చ ఇప్పుడు సోషల్ మీడియా వేదికగా జరుగుతోంది. రాష్ట్రంలో ప్రముఖ రాజకీయ నాయకులుగా చెప్పబడుతున్న ఎవరికీ, విశాఖ ఉక్కు ప్రైవేటీకరణకు వ్యతిరేకంగా జరుగుతున్న ఉద్యమంపై చిత్తశుద్ధి లేదు. విజయసాయిరెడ్డి పాదయాత్ర చేశారు.. అంతకు ముందు చంద్రబాబు, విశాఖ వెళ్ళి.. అక్కడేదో హడావిడి చేశారు. ఎవరేం చేసినా, కేంద్రంలో అధికారంలో వున్న ప్రభుత్వాన్ని ప్రశ్నించలేకపోతున్నారు.
అధికారంలో వున్న పార్టీ, అధికారం కోల్పోయిన పార్టీ.. ఈ రెండు పార్టీలూ విశాఖ ఉక్కు పరిశ్రమ విషయంలో డ్రామాలు ఆడుతోంటే, మిగతా పార్టీలు ఏం చేసినా ఉపయోగమేముంటుంది.? ప్రధానంగా అధికారపక్షం, ప్రతిపక్షం.. రెండూ కలిసి కట్టుగా వుండి.. మిగతా రాజకీయ పార్టీలన్నిటినీ ఒకే వేదికపైకి తీసుకురావాలి.. విశాఖ ఉక్కు ప్రైవేటీకరణకు వ్యతిరేకంగా జరుగుతున్న ఉద్యమంలో. ఇంకా నయ్యం.. అంత చిత్తశుద్ధి వుంటే, రాష్ట్రమెందుకు ఇలా తగలడుతుంది.?
44141 473277Thanks for the post. I like your writing style – Im trying to start a blog myself, I think I may read thru all your posts for some suggestions! Thanks once a lot more. 199901
772298 875393Deference to op , some superb entropy. 504356
98168 840474Id forever want to be update on new articles on this website, bookmarked ! . 1410