Agent Movie: అక్కినేని యంగ్ హీరో అఖిల్ నటిస్తున్న మోస్ట్ వెయిటెడ్ మూవీ ‘ఏజెంట్’ ఎట్టకేలకు ఈ వారంలో రిలీజ్కు రెడీ అయ్యింది. ఈ సినిమాను దర్శకుడు సురేందర్ రెడ్డి పూర్తి స్పై థ్రిల్లర్ మూవీగా తెరకెక్కించగా, అఖిల్ ఈ సినిమా కోసం భారీగా మేకోవర్ అయ్యాడు. ఇక ఇప్పటికే రిలీజ్ అయిన ఈ చిత్ర పోస్టర్స్, సాంగ్స్, టీజర్, ట్రైలర్స్ ఈ సినిమాపై అంచనాలను అమాంతం పెంచేశాయి.
అయితే, ఈ సినిమాకు పోటీగా బాక్సాఫీస్ వద్ద తమిళ బిగ్గెస్ట్ మూవీ ‘పొన్నియిన్ సెల్వన్-2’ రిలీజ్ అవుతోంది. ఈ సినిమాపై తమిళనాట భారీ అంచనాలు ఏర్పడ్డాయి. పాన్ ఇండియా మూవీగా రిలీజ్ అవుతున్న ఈ సినిమా ఏజెంట్ సినిమాపై ఖచ్చితంగా ప్రభావం చూపుతుందని పలువురు భావిస్తున్నారు. కానీ, ఏజెంట్ సినిమాలోని కంటెంట్ ప్రేక్షకులను ఆకట్టుకుంటే మాత్రం పొన్నియిన్ సెల్వన్-2 చిత్రానికి ఏజెంట్ ఎసరు పెట్టడం ఖాయమని సినీ ఎక్స్పర్ట్స్ అంటున్నారు.
సురేందర్ రెడ్డి టేకింగ్ మొదలుకొని, సినిమాలోని యాక్షన్, సాంగ్స్, కంటెంట్ ప్రేక్షకులను ఆకట్టుకుంటే, ఏజెంట్ సినిమాకు ఢోకా ఉండదని పలువురు అభిప్రాయపడుతున్నారు. మరి భారీ క్యాస్టింగ్తో వస్తున్న పొన్నియిన్ సెల్వన్-2 మూవీకి ఏజెంట్ ఎలాంటి పోటీనివ్వగలడో తెలియాలంటే ఏప్రిల్ 28 వరకు వెయిట్ చేయాల్సిందే.