స్ట్రేచర్‌ సెంటిమెంటు అధికారమిస్తుందా..?

రాజకీయాలు ఒక్కోసారి చాలా చిత్ర విచిత్రంగా ఉంటాయి. నాయకులు చివరి వరకు సెంటిమెంటును రగిలించడంతో పాటు రకరకాల విన్యాసాలు ప్రదర్శించి ఓట్లను వేయించుకోవడానికే చూస్తారు. తాజాగా ఓ అభ్యర్ధి అదే పనిచేస్తున్నారు. కొద్దిరోజుల క్రితం తెలుగుదేశం అభ్యర్థి ప్రచారంలో ఇరువర్గాల గొడవలో భాగంగా తన అంగ రక్షకుడి చేతిలోనే బుల్లెట్‌ గాయాలు అయ్యి పడిపోయిన వార్త వినే ఉంటారు.

కట్‌చేస్తే.. తాజాగా సదరు ఎమ్మేల్యే అభ్యర్థి స్ట్రేచర్‌పై ప్రత్యక్షం అయ్యారు. కర్నూలుజిల్లా మంత్రాలయం నియోజకవర్గంలో ఎన్నడూ లేనిది వైకాపా తెదేపా వర్గాలు తీవ్ర ఘర్శణ పడ్డారు. దొరికిన వారిని దొరికినట్టు కొట్టుకున్నారు. ఆ దాడిలో తీవ్రంగా గాయపడిన టీడీపీ అభ్యర్థి తిక్కారెడ్డి ఇప్పుడు స్ట్రేచర్‌పే నుంచే ప్రచారాన్ని సాగిస్తున్నాడు. నిజానికి ఇలాంటి దృష్యాలు చాలావరకు సినిమాల్లో మాత్రమే చూస్తూ ఉంటాము.. కానీ నేటి ఎన్నికల సిత్రాల్లో ఇలాంటి దృష్యాలు చూసే అవకాశం అభిస్తోంది.

నిజానికి వైఎస్సార్‌సీపీ నుంచి బలమైన అభ్యర్థి బాలనాగిరెడ్డి బరిలో ఉన్నారు. తెలిసి తెలిసి ఆయన స్వత ఊరిలోకి టీడీపీ జెండా ఎగరేయడానికి తిక్కారెడ్డి పూనుకోవడంతో ఒక్కసారిగా అక్కడ ఘర్శణ వాతావరణం చెలరేగి కాల్పుల వరకు దారితీసింది. తన సొంత గన్‌మెన్‌ చేతిలోనే తిక్కారెడ్డికి బుల్లెట్‌ గాయాలు కావడంతో చేసేది లేక ఇంతకాలం తన భార్యను ప్రచారానికి పంపారు.

వైసీపీ వ్యూహాలతో రోజురోజుకు పరిణామాలు మారుతున్న తరుణంలో చివరి అస్త్రంగా సెంటిమెంటును రగిలించి అయినా ఓట్లును దండుకోవాలనే ఆలోచనకు కార్యరూపం మొదలుపెట్టారు తిక్కారెడ్డి. దీనితో ఆయన మండుటెండలో స్ట్రేచర్‌పే పడుకుని తన ప్రచారాన్ని కొనసాగిస్తున్నారు. మరి ఈ సెంటిమెంటు ఫలిస్తుందా లేదా అన్నది వేచి చూడాలి.