టాలీవుడ్ దర్శకులకు బన్నీ గ్రాండ్ పార్టీ .. మరి అనిల్ ఎక్కడ !!

లేటెస్ట్ గా ఈ సంక్రాంతికి అల వైకుంఠపురంలో సినిమాతో సూపర్ హిట్ అందుకున్నాడు అల్లు అర్జున్. భారీ అంచనాల మధ్య విడుదలైన ఈ సినిమా మొదట్లో డివైడ్ టాక్ తెచ్చుకున్నప్పటికీ అదిరిపోయే ఆడియోతో మ్యూజికల్ హిట్ గా నిలిచి .. ఏకంగా 200 కోట్ల క్లబ్ లో చేరిపోయింది. ఈ సినిమాతో తాను ఊహించని విజయాన్ని అందుకున్న బన్నీ తన ఆనందాన్ని అందరితో షేర్ చేసుకోవాలని అనుకున్నాడో ఏమో .. వెంటనే టాలీవుడ్ లో క్రేజీ దర్శకులనుండి లేటెస్ట్ గా వస్తున్న దర్శకుల వరకు అందరికి అదిరిపోయే పార్టీ ఇచ్చాడు. ఈ ఆదివారం సాయంత్రం ఈ పార్టీ గ్రాండ్ గా బన్నీ పబ్ లోనే జరిగింది.

లెజెండరీ దర్శకుడు దర్శకేంద్రుడు కె రాఘవేంద్ర రావు మొదలుకొని, శ్రీను వైట్ల, పూరి జగన్నాద్, సుకుమార్, కోరుటాల శివ, సురేందర్ రెడ్డి, త్రివిక్రమ్, కరుణాకరన్, మారుతి, కళ్యాణ్ కృష్ణ కురసాల, విక్రమ్ కె కుమార్, ఇలా చాలా మంది దర్శకులు పాల్గొన్నారు. బన్నీ కూడా ఇలా అందరితో కలిసి పార్టీలో పాల్గొనడం అన్నది కూడా ఆశ్చర్యకరమైన విషయమే. ఇదంగా బాగానే ఉంది .. కానీ ఈ పార్టీ లో ఒక్క దర్శకుడి పేరు మాత్రం బాగా వినిపించింది. ఎందుకు ఆ దర్శకుడు ఈ పార్టీకి రాలేదు .. కావాలనే పిలవలేదా , లేక ఆయనే కావాలని రాలేదా ? అన్న సందేహాలు అక్కడున్నవారిలో మొదలయ్యాయి.

అంతగా ఆసక్తి రేపిన ఆ దర్శకుడు ఎవరో తెలుసా .. అనిల్ రావిపూడి. లేటెస్ట్ గా సూపర్ స్టార్ మహేష్ బాబు తో సరిలేరు నీకెవ్వరూ సినిమా తీసి ఈ సంక్రాంతి కానుకగా విడుదల చేసారు .. అదికూడా అల్లు అర్జున్ అల వైకుంఠపురంలో సినిమాకు గట్టి పోటీగా విడుదల కావడం .. రెండు సినిమాల అభిమానుల మధ్య యుద్ధ వాతావరణం ఏర్పడడం లాంటివే కాకుండా అటు కలక్షన్స్ పరంగా నాన్ బాహుబలి రికార్డ్స్ మావంటే మావంటూ పోటీ పడడం .. ఇలా బన్నీ కి మహేష్ కి మధ్య సంక్రాంతి పోటీ ఓ రేంజ్ లో ఉండంతో.. అందుకే అనిల్ ని పిలవలేదని టాక్ వినిపిస్తుంది.