ఇందూరులో ఇదీ సంగతి..!

తెలంగాణ ఎన్నికల కు సమయం సమీపిస్తున్న కొద్దీ టెన్షన్ పెరిగిపోతుంది. ఇప్పుడు యావత్ తెలంగాణ దృష్టంతా నిజామాబాద్ ఎంపీ నియోజకవర్గంపైనే కేంద్రీకృతమై ఉంది. కేసిఆర్ కూతురు కవిత బరిలో ఉండడం ఇందుకు మొదటి కారణం అయితే.. 179 మంది రైతులు సహా మొత్తంగా 185 మంది బరిలో ఉండటంతో యావత్ భారతం దృష్టిని ఇందూరు నియోజకవర్గం బాగా ఆకర్షిస్తోంది. నామినేషన్లు వేసినప్పటినుంచి.. మారుతున్న పరిస్థితుల కారణంగా టీఆర్ఎస్ పై అంచనాలు ప్రజల్లో రోజురోజుకు తగ్గిపోయాయి. రైతుల వ్యతిరేకత, వివిధ వర్గాల్లో అసంతృప్తి కారణంగా కవిత ఓడిపోతారని ప్రచారం ఊపందుకుంది.

దీనికి తోడు కొన్ని ఊళ్లకు ఊళ్లే కవితకు ఓటు వేయమంటూ బహిరంగంగానే చెప్పేశాయి. దీనికి తోడు బీసీ అభ్యర్థులైన బీజేపీ అభ్యర్థి అరవింద్, కాంగ్రెస్ అభ్యర్థి మధుయాష్కిగౌడ్ లపై అంచనాలు పెరిగాయి. అయితే ఓటమి తప్పదని తెలిసిన నేపథ్యంలో రంగంలోకి దిగిన కేసీఆర్.. సామ, దాన, భేద, దండోపాయాలను అమలు చేస్తున్నారు. వీటిని కూడా ప్రత్యర్థులు సరైన రీతిలో తిప్పి కొడుతుండటంతో.. గెలిచేందుకు టీఆర్ఎస్ కొత్త వ్యూహాన్ని అమలు చేస్తోంది.

గత అసెంబ్లీ ఎన్నికల్లోనూ ఈ వ్యూహంతోనే వ్యతిరేకతను కనబడకుండా కవర్ చేసినట్లు ఆరోపణలున్నాయి. అదే ఓటరు జాబితాలో అక్రమాలు. ప్రత్యర్థి పార్టీలకు అనుకూలంగా ఉన్న ఓట్లను తొలగించడం.. తమకు కలిసొచ్చేందుకు దొంగఓట్లను జాబితాలో చొప్పించడం. ఇదంతా ఎన్నికల సంఘం అధికారులకు తెలియకుండా జరిగే వ్యవహారమైతే.. కాదు. ఓటరు కార్డులను జారీచేసేది కూడా తమ ఆధీనంలోని ప్రభుత్వ ఉద్యోగులే. ఇంకే ఈ తతంగమంతా రాష్ట్రవ్యాప్తంగా యథేచ్ఛగా కొనసాగింది. తప్పకగెలవాల్సిన నిజామాబాద్లో అయితే ఊహించరాని స్థితిలో పాతుకుపోయింది. దీని ఫలితమే.. ముస్లిం ప్రభావిత ప్రాంతాల్లో 1.25లక్షల దొంగఓట్లు బట్టబయలు కావడం. ఓటరు లిస్టులో ఓటర్ల పేర్లు చూస్తే.. ఏ స్థాయిలో ఈ దొంగఓట్లను చేర్పించారో తెలుసుకుని అవాక్కవడం ఖాయం.

నిజామాబాద్ నియోజకవర్గంలో రైతుల ఓట్లు చాలా కీలకం. నిజామాబాద్ టౌన్లో.. ముస్లిం ఓట్లు ఎక్కువగా ఉంటాయి. నిజామాబాద్ డిప్యూటీ మేయర్ పదవిని మజ్లిస్ పార్టీకి ఇవ్వడమే ఇందుకు నిదర్శనం. మొన్నటి అసెంబ్లీ ఎన్నికల నుంచి ప్రతి ఎన్నికలోనూ.. కలిసి పనిచేయాలని మజ్లిస్-టీఆర్ఎస్ నిర్ణయించుకున్నాయి. అసెంబ్లీ ఎన్నికల్లో ఈ కూటమి ప్రభావం.. ఓట్ల బదిలీ చాలా స్పష్టంగా కనిపించింది. పార్లమెంట్ ఎన్నికల్లోనూ ముస్లిం ఓట్లు టిఆర్ఎస్ కి విజయవంతంగా బదిలీ అవుతాయనడంలో.. సందేహం లేదు.

అయితే ఉన్న ఓట్లు బదిలీ అయితే అది ప్రజాస్వామికమే. కానీ.. అక్రమంగా ఓటర్ల జాబితాలో ఒకవర్గం ఓట్లను ఉద్దేశపూర్వకంగా చేర్చడంపైనే అనుమానాలు తలెత్తుతున్నాయి. ఫిబ్రవరి 22న ఎన్నికల సంఘం విడుదల చేసిన ఓటర్ల జాబితా ప్రకారం.. నిజామాబాద్ తో పాటు తెలంగాణ లో ముస్లింల ఓట్లు ప్రభావితంగా ఉన్న ప్రాంతాల్లో.. ముస్లిం మహిళల పేర్లతో.. లక్షల సంఖ్యలో బినామీ ఓట్లు నమోదయ్యాయి. దీనిపై మీద పార్టీలు చాలా సందర్భాల్లో ఎన్నికల సంఘానికి ఫిర్యాదు కూడా చేశాయి. కానీ ఈ వోట్లను తొలగించడం లో ఎటువంటి ప్రయత్నం కూడా ఎన్నికల సంఘం వైపు నుంచి జరగలేదు. ఇది సుస్పష్టం. గత ఎన్నికల్లో 22 లక్షల ఓట్లు గల్లంతవడం.. వివాదాస్పద, సున్నితమైన ప్రాంతాల్లో.. కొత్త ఓట్లు పుట్టుకురావడం వంటి దుర్మార్గపూరిత చర్యలన్నీ ఈసీకి తెలియకుండానే జరుగుతాయా అనే ప్రశ్న లేవనెత్తుతున్నాయి.

ఈసారి పార్లమెంటు ఎన్నికల్లో కచ్చితంగా 16 స్థానాల్లో గెలుస్తామంటూ టీఆర్ఎస్ చెప్పడం వెనక కూడా ఈ వ్యూహం మరోసారి బలంగా పనిచేస్తుందనే అనుమానం తలెత్తుతోంది. ఎందుకు ముస్లిం మహిళల ఓట్లు వివాదాస్పదం అనే ప్రశ్నకు సమాధానం.. పోలింగ్ ఏజెంట్లు గా పని చేసే ప్రతి ఒక్కరికి తెలుస్తుంది. బురఖా వేసుకుని ఓటేసేందుకు వచ్చిన మహిళను నీ మొహం చూయించమ్మా.. ఒకసారి ధ్రువీకరించుకుంటామంటే.. పెద్ద రచ్చ జరిగిన సందర్భాలు ఎన్నో. తీసుకొచ్చిన ఓటర్ కార్డుకి ఓటేయడానికి వచ్చిన వ్యక్తికి సంబంధం ఉందా లేదా అని ధ్రువీకరించుకులేని స్థితిలో పోలింగ్ ఆఫీసర్లు ఏజెంట్ పనిచేయాల్సి వస్తుంది.

ముస్లిం ప్రభావం ఎక్కువగా ఉండే బూతుల్లో అయితే ఏజెంట్ ఏపార్టీవాడయినా మాట్లాడేందుకు కూడా అవకాశం కూడా ఉండదు. దీంతో బురఖా వేసుకుని వచ్చి దొంగ ఓట్లు వేసి వెళ్లేవాళ్లకు లెక్కు ఉండదు. ఎన్నికల తరువాత హైదరాబాద్ ఓల్డ్ సిటీ లో డ్యూటీ చేసిన ఎందరో పోలింగ్ ఆఫీసర్లు.. తామెలాంటి పరిస్థితులు డ్యూటీ చేయాల్సివచ్చిందో చెప్పుకొని బాధపడ్డ సందర్భాలు ఎన్నో. ఇక వేలిపై పెట్టే సిరా అంటారా? దాన్ని చెరిపేసేందుకు ఎన్నో కెమికల్స్ రాజకీయనాయకులకు అందుబాటులోనే ఉంటాయి.

ఫిబ్రవరి 22న రాష్ట్ర ఎన్నికల సంఘం వెల్లడించిన జాబితా ప్రకారం.. నిజామాబాద్ అర్బన్ నియోజకవర్గంలో.. ఒక ఫోటో తో 5 ఓట్లు ఉన్నాయి.. టోటల్గా ఇలాంటి ఓట్లు ఒక లక్షా 25 వేల పైనే. ఓటర్ ల పేర్లు ఎలా ఉన్నాయో చూస్తే దిమ్మతిరిగింది.

ఓటర్ పేరు జ

ఆమె తండ్రి పేరు క

మరో ఓటర్ పేరు న

ఆమె భర్త పేరు ర

ఇలాంటి లక్షా పాతిక వేల ఓట్లు ఒక నియోజకవర్గంలో ఉంటే ప్రజాస్వామ్య పద్ధతిలో ఓటింగ్ జరుగుతుందని ఎలా భావించాలని విపక్షాలు ప్రశ్నిస్తున్నాయి. వీటికి ఎన్నికల సంఘం వద్ద సమాధానమే లేదు.