బిగ్ బాస్ 5: నవరాత్రి స్పెషల్ గెస్ట్ అట్రాక్షన్స్ ఇవే!

బిగ్ బాస్ 5 లో నవరాత్రి స్పెషల్ ను చాలా ప్రత్యేకంగా డిజైన్ చేసారు బిగ్ బాస్ మ్యానేజ్మెంట్. అటువైపు హౌజ్ మేట్స్ తో ఆటలు ఆడిస్తూనే మరోవైపు స్పెషల్ గెస్ట్ లతో షో కు మరింత అందాన్ని తీసుకొచ్చారు. ముందుగా ఒక డ్యాన్స్ పెర్ఫార్మన్స్ తో మొదలైన బిగ్ బాస్ లో మొదటి సెలబ్రిటీ గెస్ట్ గా హెబ్బా పటేల్ వచ్చింది. తన గ్లామర్ తో పలు డ్యాన్స్ మెడ్లీలు చేసింది. దాని తర్వాత మరికొంత సేపటికి నాట్యం ఫేమ్ సంధ్యా రాజు వచ్చి తన దసరా స్పెషల్ డ్యాన్స్ తో ముగ్దుల్ని చేసింది. అలాగే హౌజ్ మేట్స్ కు బ్యాలెన్సింగ్ ఎలాగో కూడా చూపించింది.

సింగర్ మంగ్లీ తన డ్యాన్స్ పెర్ఫార్మన్స్ తో విశేషంగా ఆకట్టుకుంది. బతుకమ్మ సాంగ్ తో పాటు సినిమాల్లో తాను పాడిన పలు పాటలను పాడి బాగా ఎట్రాక్ట్ చేసింది. ఆ తర్వాత హౌజ్ మేట్స్ రెండు టీమ్స్ గా విడిపోయి చేసిన బతుకమ్మ డెకొరేషన్ ను జడ్జ్ చేసింది. ప్రియా టీమ్ ను విన్నర్ గా ప్రకటించింది.

ఇక షో మొత్తానికి హైలైట్ గా నిలిచింది మాత్రం హైపర్ ఆది పంచ్ లు అని చెప్పుకోవాలి. ఇన్వెస్టిగేట్ చేస్తానని చెప్పి గత సీజన్ తరహాలోనే వచ్చి హౌజ్ మేట్స్ మధ్యలో నవ్వులు పంచాడు. ఒక్కొక్క కంటెస్టెంట్ ను పాయింట్ అవుట్ చేస్తూ వాళ్ళు చేసిన తప్పుల్ని నొచ్చుకోకుండా గుర్తుచేశాడు. త్రిమూర్తులు అని చెప్పి షణ్ముఖ్, జెస్సీ, సిరిలను నిలబెట్టి మోజ్ రూమ్ అంటే మీకెందుకింత మోజు అని అడిగాడు. అలాగే శ్రీరామ్ చంద్ర, హమీదలు కలిసే ఎలా ఆడుతున్నారో వెటకారంగా పాయింట్ అవుట్ చేసాడు. విశ్వకు షర్ట్ తీస్తేనే మూడ్ వస్తుందని తెలిపాడు. ఇలా అందరి గురించి ప్రేక్షకుల మనసులో ఉన్నది బయటకు సున్నితంగా చెప్పాడు.

ఆ తర్వాత మీనాక్షి దీక్షిత్ స్పెషల్ డ్యాన్స్ పెర్ఫార్మన్స్ ఆకట్టుకుంది. ఆమె బిగ్ బాస్ స్టేజ్ పైకి వచ్చి ఆడియన్స్ తో కాసేపు ముచ్చటించింది. అలాగే నాగార్జునను ఒక చిన్న సిగ్నేచర్ మూవ్మెంట్ చేయమని అడిగింది  కానీ దాన్ని నాగార్జున సున్నితంగా తిరస్కరించాడు.

చివరిగా అఖిల్, పూజ హెగ్డే మోస్ట్ ఎలిజిబుల్ బ్యాచలర్ చిత్రాన్ని ప్రమోట్ చేయడానికి వచ్చారు. కంటెస్టెంట్ లతో కాసేపు ముచ్చటించారు. తమ ట్రైలర్ చూపించారు. ఈ సందర్భంగా హౌజ్ లో షణ్ముఖ్ ను కూడా సేవ్ చేసారు. మొత్తంగా ఈ స్పెషల్ అట్రాక్షన్ తో బిగ్ బాస్ నవరాత్రి ఎపిసోడ్ కు ఒక కళ వచ్చింది.