సినీ నటుడు శివాజీ ఈ సీజన్ బిగ్ బాస్ విన్నర్ అయ్యేలా వున్నాడు.! బిగ్ బాస్ తెలుగు రియాల్టీ షో ఏడో సీజన్ విషయానికొస్తే, ప్రస్తుతం హౌస్‌లో వున్న కంటెస్టెంట్లందరిలోకీ సీనియర్ మోస్ట్ అని చెప్పొచ్చు శివాజీ గురించి. సీనియర్ సిటిజన్.. అనే సెటైర్లూ అతని మీద పడుతున్నాయ్ లెండి.. అది వేరే సంగతి.
ఓ టాస్క్ సందర్భంగా శివాజీ గాయపడ్డాడు. వాస్తవానికి, హౌస్‌లోకి శివాజీ ఎంట్రీ ఇచ్చినప్పటినుంచీ ఏదో ఒక అనారోగ్య సమస్య అతన్ని వెంటాడుతూనే వుంది. గతంలో గంగవ్వ కూడా అనారోగ్య సమస్యతో బాధపడింది.. హౌస్‌లో వుండలేక ఏడ్చి ఏడ్చి మరీ హౌస్ నుంచి బయటకు వెళ్ళిపోయింది.
శివాజీ పరిస్థితి కూడా అంతేనా.? అంతేనేమో.! కాకపోతే, తెగేవరకూ లాగుతున్నారంతే.! లేదూ, శివాజీ గనుక మరికొన్ని వారాలు హౌస్‌లో వుంటే, ముమ్మాటికీ అతనే విన్నర్ అవుతాడు. ‘అస్సలు శరీరం సహకరించడంలేదు..’ అంటూ నాగార్జునకి తాజాగా ఫిర్యాదు చేశాడు శివాజీ.
దాంతో, శివాజీని కన్ఫెషన్ రూమ్‌లోకి పిలిచిన నాగ్, శివాజీ సమస్య గురించి అడిగి తెలుసుకున్నాడు. వైద్యులు ఎప్పటికప్పుడు ఆరోగ్య పరిస్థితిని అంచనా వేస్తుంటారనీ, తగిన వైద్య సహాయం అందిస్తుంటారనీ నాగార్జున, శివాజీకి భరోసా ఇచ్చాడు.
మానసికంగా తాను చాలా మొండి వాడినని శివాజీ చెప్పుకోవడం గమనార్హం. ఒకవేళ ఆరోగ్య పరిస్థితి అదుపు తప్పితే మాత్రం, బిగ్ బాస్ శివాజీని బయటకు పంపేస్తారట. ఈ విషయాన్ని హోస్ట్ నాగార్జున స్వయంగా చెప్పాడు.
మరోపక్క, హౌస్‌లో కొందరికి నాగార్జున షరామామూలుగానే క్లాసు లాంటిది పీకాడు. ఆ తర్వాత నిచ్చెన – పాము.. అంటూ ఓ టాస్క్ పెట్టాడు. ఎక్కువ నిచ్చెనల రికార్డుని అర్జున్‌తో కలిసి శివాజీ పంచుకోగానీ, అత్యధిక పాముల రికార్డు మాత్రం శివాజీ సొంతమయ్యింది.