ఏందిరా ఈ పంచాయితీ.? నాకంటే వయసులో చిన్నవాళ్ళు నన్ను ఏదేదో అంటోంటే, బాధగా వుంది. తట్టుకోలేకపోతున్నాను. తీసుకోలేకపోతున్నాను. నన్ను బయటకు పంపించెయ్యండి బిగ్ బాస్.!
అదేంటో, బిగ్ బాస్ రియాల్టీ షో అంటే.. ఇదీ.. అని తెలిసీ, హౌస్‌లోకి వచ్చిన సినీ నటుడు శివాజీ, వచ్చిన దగ్గర్నుంచీ, ‘పెద్ద మనిషిలా’ వ్యవహరిస్తూనే, కన్నింగ్ రాజకీయాలు చేస్తున్నాడు. ఇది చాలక, సింపతీ గేమ్స్ ఆడుతున్నాడు. అనారోగ్య సమస్యతో బాధపడుతూ, దాన్ని హైలైట్ చేయడానికి మేగ్జిమమ్ ట్రై చేస్తున్నాడు.
హౌస్‌లో వుండలేనంతగా అనారోగ్య సమస్య వుంటే, హౌస్‌లో అతన్ని బిగ్ బాస్ ఎందుకు వుంచుతాడు.? ఆ మధ్య కాఫీ కోసం నానా యాగీ చేశాడు. వెళ్ళిపోతానన్నాడు. ఆ తర్వాత సర్దుకుపోయాడు. చేతికి బ్యాండేజీతో కనిపిస్తున్నాడిప్పుడు శివాజీ. అతని అనారోగ్య సమస్య నేపథ్యంలో ‘సంచాలక్’ అనే పోస్ట్ ఇచ్చి సరిపెడుతున్నాడు బిగ్ బాస్.. ఆయా టాస్కుల సందర్భంగా.
ఊరి పెద్దగా ఓ టాస్కులో వ్యవహరించిన కారణంగా, శివాజీని కెప్టెన్సీ కంటెండర్‌గా బిగ్ బాస్ నియమిస్తే, సింపుల్‌గా అమర్ దీప్.. శివాజీని అందులోంచి తొలగించేశాడు.. తనకు వచ్చిన అవకాశం ద్వారా.
ఆరోగ్యం బాగా లేకపోయినా, బాగానే ఆడాను కదా.. అన్నది శివాజీ వెర్షన్. అయినాగానీ, మీరెందుకో కెప్టెన్ అవడం సబబు కాదనిపించింది.. మీకన్నా బాగా ఆడినవారికే ఆ అవకాశం దక్కాలి.. అంటూ అమర్ దీప్, శివాజీని తీసేశాడు. ఇదంతా శివాజీ మీద అమర్ దీప్‌కి వున్న పాత పగ వల్లేనని అనుకోవచ్చేమో.
ఇక, ప్రియాంక కూడా బాగా హర్ట్ అయ్యింది.. ఆమెను యావర్ తొలగించాడు. కాగా, హౌస్‌లోకి ఓంకార్ తన ‘మాన్షన్ 24’ టీమ్‌తో గెస్ట్ ఎంట్రీ ఇచ్చాడు. తన వెంట నందు, అవిక, వరలక్ష్మి శరత్ కుమార్‌లను తీసుకొచ్చి, హౌస్‌లో ఏదో హంగామా చేయాలనుకున్నాడుగానీ.. అదో బోరింగ్ వ్యవహారమే అయిపోయింది.