మంచు విష్ణు డ్రీం ప్రాజెక్ట్ కన్నప్ప ఎట్టకేలకు మొదలైంది. ప్రీ-ప్రొడక్షన్ పనులు శరవేగంగా సాగుతున్నాయి. కన్నప్ప మొదట అనౌన్స్ చేసినప్పుడు ఎవరూ ఊహించలేదు కానీ దాని పరిమాణం పెరుగుతూనే పోతుంది. ఇప్పటికే ప్రభాస్ శివుడిగా కనిపిస్తాడని ప్రచారం జరుగుతోంది. ఇది నిజమే అన్న తరహాలో మంచు విష్ణు కూడా స్పందించాడు.
అలాగే మలయాళ సూపర్ స్టార్ మోహన్ లాల్ కూడా ఈ చిత్రంలో ఒక కీలక పాత్రలో నటిస్తున్నాడు. ఇప్పుడు ఈ సినిమాలో మరో కీలకమైన ఎడిషన్ జరిగింది. కన్నడ సూపర్ స్టార్ శివ రాజ్ కుమార్ ఈ చిత్రంలో కీలక పాత్రలో కనిపిస్తాడట. వీటికి సంబంధించిన అధికారిక ప్రకటన త్వరలోనే రానుంది.
ఇక న్యూజిలాండ్ లో కన్నప్ప షూటింగ్ మొత్తం సింగల్ షెడ్యూల్ లో పూర్తి చేయనున్నట్లు మంచు విష్ణు ఇప్పటికే తెలిపాడు. 800మంది సిబ్బందితో ఆర్ట్ వర్క్ పనులు పూర్తి చేయించినట్లు చెప్పాడు. భారీ బడ్జెట్ తో ఈ సినిమా తెరకెక్కనుంది.