సీనియర్ హీరో రాజశేఖర్ కు యాంగ్రీ యంగ్ మ్యాన్ అనే ఇమేజ్ ఉన్న విషయం తెల్సిందే. అయితే గత కొంత కాలంగా రాజశేఖర్ కు సరైన సక్సెస్ పడింది లేదు. మధ్యలో గరుడవేగా రాకపోయి ఉంటే రాజశేఖర్ హిట్ కొట్టి దశాబ్ద కాలం దాటినట్లు అవుతుంది. ఇక రాజశేఖర్ ను కూడా క్యారెక్టర్ రోల్స్ లో చూడాలని చాలా మంది ఆశించారు. శ్రీకాంత్, జగపతి బాబు తరహాలో రాజశేఖర్ కూడా బిజీ కాగలడని అనుకున్నారు.
అయితే ఎందుకనో ఆ దిశగా నిర్ణయం తీసుకోవడానికి రాజశేఖర్ చాలా సమయమే తీసుకున్నారు. మొత్తానికి ఏదైతేనేం క్యారెక్టర్ పాత్రలకు ఎస్ చెప్పారు. యంగ్ హీరో నితిన్ హీరోగా తెరకెక్కుతున్న ఎక్స్ట్రా ఆర్డినరీ మ్యాన్ లో రాజశేఖర్ విలన్ పాత్రలో నటిస్తున్నాడు.
మరి శ్రీకాంత్, జగపతి బాబులా రాజశేఖర్ కెరీర్ కూడా టర్న్ తీసుకుంటుందా?