ఊహించని ట్విస్ట్: అడ్వాన్స్ బుకింగ్స్ లో ‘సైరా’కి బాడ్ న్యూస్.!

మెగా పవర్ స్టార్ రామ్ చరణ్ నిర్మాతగా కొణిదెల ప్రొడక్షన్స్ బ్యానర్ పై నిర్మించిన మొదటి సినిమా ‘ఖైదీ నెంబర్ 150’. ఆ బ్లాక్ బస్టర్ తర్వాత రామ్ చరణ్ నిర్మించిన భారీ పీరియాడికల్ ఫిల్మ్ ‘సైరా నరసింహా రెడ్డి’. తన తండ్రి చిరంజీవి 10 ఏళ్ళ కలని నిజం చేయాలని సుమారు 300 కోట్ల బడ్జెట్ తో నిర్మించిన ఈ సినిమా సెప్టెంబర్ 2న 5 భాషల్లో రిలీజ్ కానుంది.

ఇదిలా ఉంటే ఆన్ లైన్ టికెట్స్ బుకింగ్ విషయంలో ఈ చిత్రానికి ఊహంచని విధంగా ఎదురుదెబ్బ తగిలేలా కనపడుతోంది. విషయంలోకి వెళితే.. ‘సైరా’ – ఇదొక వీరుడి కథ, అలాగే పీరియడ్ ఫిల్మ్ అవ్వడం వల్ల భారీ అంచనాలే ఉన్నాయి. కానీ బుకింగ్స్ విషయంలో మాత్రం ఆ క్రేజ్ కనిపించడం లేదు. మేజర్ సిటీస్ లో మొదటి రోజు టికెట్స్ ఆన్ లైన్ లో బ్లాక్ చేస్తున్నారు. ‘సైరా’కి కూడా అలా చేసారు, దీనివల్ల చాలా మంది ఆన్ లైన్ లో మొదటి రోజు టికెట్స్ దొరకడం లేదని 2,3,4 రోజుల్లో టికెట్స్ ని బుక్ చేసుకుంటారనేది ఒక స్ట్రాటజీ. కానీ సైరాకి అది అస్సలు వర్కౌట్ అవ్వడం లేదు. గురు, శుక్ర, శని వారాల టికెట్స్ సెల్ చాలా అంటే చాలా డల్ గా ఉంది. ఈ సినిమాలో చిరంజీవి సరసన నయనతార, తమన్నా హీరోయిన్స్ గా నటించారు.

పాన్ ఇండియా లెవల్ లో వచ్చిన ‘సాహో’ కి సుమారు 3 రోజుల ముందే మొదటి 4/5 రోజుల టికెట్స్ అమ్ముడు పోయాయి. అలాగే స్టార్ హీరో ఏ సినిమాలకైనా మొదటి మూడు రోజుల బుకింగ్స్ 2 రోజుల ముందే అయిపోతాయి. కానీ సైరా రిలీక్ ఇంకొక్క రోజే గ్యాప్ ఉంది కానీ టికెట్స్ అంట స్పీడ్ గా బుక్ అవ్వడం లేదు. కొందరు గురు, శుక్ర వారాలు వీక్ డేస్ అవ్వడం కూడా ఓ కారణం అని చెబుతున్నారు. కారణం ఏదైనా ఈ సినిమాకి క్రేజ్ ఉన్నప్పటికీ ప్రమోషన్స్ లో క్రియేట్ చేయాల్సినంత హైప్ క్రియేట్ చేయకపోవడం వలన, కాంపిటీషన్ కూడా బాగానే ఉండడం, బుకింగ్స్ కూడా అంతంతమాత్రంగా ఉండడం వలన మొదటి రోజు మినహా మిగతా రోజులు కలెక్షన్స్ బాగా డ్రాప్ అయ్యే అవకాశం కనిపిస్తోంది.

మన తెలుగుతో పాటు యుఎస్ లో కూడా ప్రీమియర్స్ కి అనుకున్నంత కలక్షన్స్ రాకపోవడం ‘సైరా’ టీంకి మరో షాక్. పాన్ ఇండియా స్టార్స్ అయిన అమితాబ్ బచ్చన్, విజయ్ సేతుపతి, సుధీప్, జగపతి బాబు, రవికిషన్ తదితరులు కీలక పాత్ర పోషించిన ఈ సినిమాలో చిరంజీవి సరసన నయనతార, తమన్నా హీరోయిన్స్ గా నటించారు. సురేందర్ రెడ్డి డైరెక్ట్ చేసిన ఈ సైరా కి అమిత్ త్రివేది మ్యూజిక్ అందించారు.