ప్రభుత్వానికి భారం.. ప్రజలకు పెనుభారం..

వైకాపా అధికారంలోకి వచ్చే ముందు ఎన్నో వాగ్దానాలు చేసింది. ప్రజలను కష్టపెట్టకుండా పాలించాలి. వాళ్ళను లాలించి బుజ్జగించాలి.. దాని ద్వారా ఓట్ల రూపంలో లాభం పొందాలి. మరో ఐదేళ్లు పదేళ్లు అధికారంలో ఉంటె అన్ని తిరిగి సంపాదించుకోవచ్చు… ఇది వైకాపా ప్లాన్ అందుకే ఎన్ని కష్టాలు వచ్చినా సరే జగన్ అనుకున్నది సాధించే వరకు సహనంతో ఉంటున్నాడు.

ఎన్నికలకు ముందు జగన్ ఎవరు ఎన్ని అన్నా వాటిపై పెద్దగా రియాక్ట్ అయ్యేవాడు కాదు. కారణం, తనకు రియాక్ట్ కావడం కంటే ఎన్నికల్లో విజయం సాధించడమే ముఖ్యం. అందుకే సైలెంట్ ను పాటిస్తూ వచ్చాడు. ఎన్నికల్లో విజయం సాధించిన తరువాత అనేక పధకాలు ప్రవేశపెట్టాడు. మంచిదే. పధకాలు ప్రవేశపెట్టి ప్రజలకు మంచి చేస్తే ఎవరు మాత్రం కాదంటారు చెప్పండి.

ఎన్నికల హడావుడి ముగిసిన తరువాత జగన్ ఇచ్చిన హామీల విషయంలో అనేక నిర్ణయాలు తీసుకున్నారు. ఒక్కొక్కటిగా అమలు చేస్తున్నారు. ఆర్టీసీని ప్రభుత్వంలో విలీనం చేసారు. అంటే ఇప్పుడది పూర్తిగా ప్రభుత్వ సంస్థ. ప్రభుత్వ సంస్థలో పబ్లిక్ కు సంబంధించిన విషయాలపై ఓ నిర్ణయం తీసుకోవాలి అంటే దానిపై సమగ్రంగా చర్చించాలి. సభలో చట్టం చేయాలి.. దాని తరువాతే నిర్ణయం తీసుకోవాలి. ఆర్టీసీని ప్రభుత్వంలో విలీనం చేసిన తరువాత కూడా ప్రభుత్వం స్వతంత్రంగా చార్జీలు పెంచుతామని అంటే కుదరదు కదా.

అయితే, ఇప్పుడు ఏపీ ప్రభుత్వం ఆర్టీసీ చార్జీలను పెంచింది. డీజిల్ ధరలు రూ. 79 నుంచి రూ. 70 కి పెరగడంతో చార్జీలను పెంచాల్సిన అవసరం వచ్చినట్టు ప్రభుత్వం చెప్తున్నది. డీజిల్ ధరలు పెరగడం వలన సంవత్సరానికి రూ. 650 కోట్ల వరకు భారం పడుతున్నది. ఈ భారాన్ని తగ్గించుకోవడానికి ప్రభుత్వం టికెట్ రేట్లు పెంచింది. పెంచిన రేట్లు బుధవారం నుంచి అమలులోకి రాబోతున్నాయి. తెలంగాణతో పోల్చుకుంటే ఏపీ లో కాస్త బెటర్ అని చెప్పాలి.