Pawan Kalyan: దేశ చరిత్రలో ఇప్పటిదాకా ఎప్పుడన్నా.. ఏ మంత్రి అయినా, సినిమాల వసూళ్ళ గురించి మాట్లాడాడా.? కనీసం, సినిమాలకు సంబంధించిన రివ్యూలు ఇచ్చాడా.? ఇట్ హ్యాపెన్స్ ఓన్లీ ఇన్ ఆంధ్రప్రదేశ్.!
‘పోలవరం ప్రాజెక్టు గురించి అన్ని విషయాలూ నాకు తెలియాల్సిన పనేముంది.? కొన్ని విషయాలు తెలియవు. తెలుసుకునే ప్రయత్నం చేస్తాను..’ అని వింతగా సమాధానం చెప్పే, ఆంధ్రప్రదేశ్ నీటి పారుదల, జల వనరుల శాఖ మంత్రి అంబటి రాంబాబు, ‘బ్రో’ సినిమా వసూళ్ళ గురించి తాజాగా సెలవిచ్చారు.
అదేంటో, పవన్ కళ్యాణ్ సినిమాల వసూళ్ళ లెక్కలు తీసినోళ్ళు పదవులు కోల్పోతూ వస్తున్నారాయె.. వైసీపీ హయాంలో. అప్పట్లో మంత్రిగా పని చేసిన అనిల్ కుమార్ యాదవ్.. అలాగే మంత్రిగానే పని చేసిన పేర్ని నాని.. ‘వకీల్ సాబ్’, ‘భీమ్లానాయక్’ సినిమాలకు సంబంధించిన వసూళ్ళ లెక్కలు చెప్పారు.. పదవులు కోల్పోయారు.
ఇప్పుడిక అంబటి రాంబాబు వంతు రాబోతోందా.? ఏమోగానీ, అంబటి రాంబాబుకి మాత్రం, ‘జల వనరుల శాఖ మీద అవగాహన లేకపోయినా ఫర్లేదు.. సినిమాల మీద అవగాహన పెంచుకో..’ అని ముఖ్యమంత్రి ఆదేశించినట్టున్నారు.. అంబటి రాంబాబు ఆ పనిలో బిజీగా వున్నారు.
బాక్సాఫీస్ ట్రాకింగ్ అనేది ఓ టైమ్ పాస్ వ్యవహారం. పనీ పాటా లేనోళ్ళు చేసే పని. సినీ మీడియా.. అందునా వెబ్ మీడియాలో అదో ఇంట్రెస్టింగ్ టాపిక్. దానికి విలువా పాడూ ఏమీ వుండవ్.! అలాంటి అంశంపై అంబటి రాంబాబు అవగాహన పెంచుకున్నట్లుగా మాట్లాడటం ఇంకా హాస్యాస్పదం.
ఔను.. పవన్ కళ్యాణ్ సినిమాలు చేస్తూనే వుండాల.. మంత్రులిలా సినిమాల లెక్కలు చెబుతూనే వుండాల.. 2024 ఎన్నికల వరకు.! ఈలోగా రెండు సినిమాలొస్తే, వాటికి వైసీపీ మంత్రులే ఫ్రీ పబ్లిసిటీ చేస్తారు. మంత్రులుగా వారి వారి శాఖల బాధ్యతల సంగతేంటి.? అంటే, పవన్ కళ్యాణ్‌ని విమర్శించి అధినేత మెప్పు పొందడం కంటే బాధ్యత ఇంకేముంటుంది.?