Ambati Rambabu: జనసేన అధినేత, పవర్ స్టార్ పవన్ కళ్యాణ్ మీద వైసీపీ నేత అంబటి రాంబాబు వివాదాస్పద వ్యాఖ్యలు చేస్తున్న సంగతి తెలిసిందే. పవన్ కళ్యాణ్ నటించిన ‘బ్రో’ సినిమాలో, ‘శ్యాంబాబు’ అనే పాత్ర తనను ఉద్దేశించిందేనన్నది మంత్రి అంబటి రాంబాబు ఉవాచ. సత్తెనపల్లి ఎమ్మెల్యే అంబటి రాంబాబు, తన మీద ‘బ్రో’ సినిమాలో వెటకారం చేశారని ఆరోపిస్తూ, పవన్ కళ్యాణ్ మీద మండిపడుతున్నారు.
ఈ క్రమంలోనే, పవన్ కళ్యాణ్ జీవిత చరిత్రను వెబ్ సిరీస్గా తీస్తామంటూ కొన్ని టైటిళ్ళను కూడా పాత్రికేయుల సమావేశంలో అంబటి రాంబాబు ప్రకటించేశారు. రాజకీయాల్లో ఇదో వింత పోకడ. ఇంతవరకు ఏ అధికార పార్టీ, సినీ రంగాన్ని బెదిరించింది లేదు. ‘తగిన మూల్యం చెల్లించుకోవాల్సి వస్తుంది’ అంటూ రచయితల్ని బెదిరించిన సందర్భాలు అసలే లేవు.
సినిమా వేరు.. రాజకీయం వేరు.. కానీ, ఇది ఒకప్పుడు. సినిమా మీద రాజకీయ కుట్ర జరుగుతోంది. సినీ నటుల రెమ్యునరేషన్లని వైసీపీ నేతలు జీర్ణించుకోలేకపోతున్నారు. స్టార్డమ్ వుంటే రెమ్యునరేషన్ దానంతట అదే పెరుగుతందన్న ఇంగితం లేకుండా పోతోంది వైసీపీకి.
ఇక, అంబటి రాంబాబు ఎలాగైతే పవన్ కళ్యాణ్ మీద వెబ్ సిరీస్ తీస్తామని, సినిమాలు తీస్తామనీ ప్రకటించేశారో… దానికి కౌంటర్ ఎటాక్గా జనసేన నేతలూ కొన్ని టైటిళ్ళను ప్రచారంలోకి తెస్తున్నారు.
‘పోరంబోకు రాంబాబు’ పేరుతో ఓ టైటిల్.. ‘ఎస్ఎస్ఎస్’ అంటే, ‘సంజన సుకన్య శ్యాంబాబు’ పేరుతో మరో టైటిల్.. ఇలా పదుల సంఖ్యలో టైటిల్స్ని డిజైన్ చేసి మరీ వదులుతోంది జనసేన. సుకన్య దగ్గరకి పోమాకు.. సంజన దగ్గరకు రాబాకు.. అంబటి పెద్ద పోరంబోకు.. ఇలాంటి టైటిళ్ళు ప్రచారంలోకి వస్తుండడం గమనార్హం. ఈ మేరకు జనసేన నేతలు పోతిన మహేష్, రాయపాటి అరుణ తదితరులు చేస్తున్న ప్రకటనలతో అధికార వైసీపీలో కలకలం బయల్దేరింది.
జనసేన పార్టీ తలచుకుంటే, అంబటి రాంబాబు మీదే కాదు, వైసీపీ అధినేత మీద కూడా సినిమాలు లేదా వెబ్ సిరీస్లు చాలా తేలిగ్గా తయారు చేసేసి విడుదల చేసెయ్యగలదు.! ఆ విషయం వైసీపీకి ఎప్పుడు అర్థమవుతుందో ఏమో.!