తెలుగుదేశం పార్టీకీ, వైఎస్సార్ కాంగ్రెస్ పార్టీకీ మధ్య 60-40 అవగాహన లేకపోతే, అమరావతి స్కామ్ సహా, విశాఖ స్కామ్ వ్యవహారాలపై నిష్పాక్షిక విచారణ జరగాలన్నది సర్వత్రా వినిపిస్తోన్న వాదన. ఈ విషయమై సోషల్ మీడియా వేదికగా పెద్ద రచ్చే జరుగుతోంది. మెయిన్ స్ట్రీమ్ మీడియా ఎలాగూ టీడీపీ కోణంలోనో, వైసీపీ కోణంలోనో మాత్రమే ఈ అంశాన్ని చూస్తుంది గనుక, న్యూట్రల్ మీడియా.. అదేనండీ సోషల్ మీడియాలో జనం తమ అభిప్రాయాల్ని పంచుకుంటున్నారు, ప్రభుత్వాన్ని ప్రశ్నిస్తున్నారు.. టీడీపీ, వైసీపీల మీదా ప్రశ్నాస్త్రాలు సంధిస్తున్నారు.
అమరావతిలో స్కామ్ జరిగిందన్నది వైసీపీ ఆరోపణ. జరగలేదన్నది టీడీపీ వాదన. వైసీపీ అధికారంలోకి వస్తూనే, ‘అమరావతి స్కామ్’ అంటూ కేసులు నమోదు చేయడం, అరెస్టులు కూడా అడపా దడపా చేస్తుండడం చూస్తున్నాం. మాజీ మంత్రి నారాయణపైనా, టీడీపీ అధినేత నారా చంద్రబాబునాయుడిపైనా కేసులు నమోదయ్యాయి. ఆయా కేసుల్లో న్యాయస్థానం సాక్షిగా ప్రభుత్వానికి చుక్కెదురవుతుండడమూ చూస్తున్నాం.
నిన్న కూడా అసెంబ్లీలో అమరావతిపై రచ్చ జరిగింది. అధికార పక్షం, ప్రతిపక్షం మధ్య మాటల యుద్ధం జరిగింది. టీడీపీ నేత పయ్యావుల కేశవ్ మీద కూడా స్కామ్ ఆరోపణలున్నాయి. ఆయన ఈ అంశంపై మాట్లాడారు. అసలు అమరావతిలో స్కామ్ చేయడానికే అవకాశం లేదని కుండబద్దలుగొట్టేశారు. దీనిపై ప్రభుత్వం మిన్నకుండిపోయినట్లే కనిపిస్తోంది.
అమరావతి సహా విశాఖలో రాజధాని పేరుతో జరిగిన భూ కుంభకోణంపై చర్చ జరగాలి, విచారణ జరగాలంటూ పయ్యావుల కేశవ్ నినదిస్తే, వైసీపీ సైలెంట్ మోడ్లోకి వెళ్ళిపోయింది. ఇదేదో మీడియా ముందో, జనంలోనో చేసుకున్న ఉత్తుత్త ఆరోపణల వ్యవహారం కాదు. అసెంబ్లీ సాక్షిగా నడిచిన చర్చ. ఈ నేపథ్యంలో చర్యలు చిత్తశుద్ధితో వుండి తీరాలి.
సీబీఐకి అప్పగిస్తారో, ఇంకేదన్నా జాతీయ స్థాయి దర్యాప్తు సంస్థతో విచారణ చేయిస్తారోగానీ.. అటు అమరావతితోపాటు, ఇటు విశాఖలోనూ భూ కుంభకోణాలపై నిజాలు నిగ్గు తేలాల్సిందే. కానీ, తేలవ్.. ఎందుకంటే టీడీపీ వైసీపీ మధ్య వున్న అవగాహన అలాంటిది. అదే 60-40 ఒప్పందం. చంద్రబాబు హయాంలో వైఎస్ జగన్ని లోపలేస్తామన్నారు.. వైసీపీ హయాంలో చంద్రబాబుని లోపలేస్తామంటున్నారు.. రెండూ జరిగే వ్యవహారాలు కావని జనానికి తెలుసు.
920925 691468Some truly nice stuff on this internet site , I like it. 325719
260515 153012I added this post to my favorites and plan to return to digest a lot more soon. Its effortless to read and understand as nicely as intelligent. I truly enjoyed my 1st read by way of of this write-up. 398325
35983 306078Intriguing post. Ill be sticking around to hear much far more from you guys. Thanks! 662494