అల్లు అర్జున్ హీరోగా త్రివిక్రమ్‌ దర్శకత్వంలో ఓ సినిమా పట్టాలెక్కింది. సుకుమార్‌ దర్శకత్వంలో అల్లు అర్జున్ ఓ సినిమా చేయబోతున్నాడు. ఈ రెండూ కాక, ‘ఐకాన్‌’ అనే సినిమా ఒకటి లైన్‌లో ఉంది. అన్నయ్య ఇంత బిజీగా ఉంటే, తమ్ముడు పరిస్థితి మాత్రం చాలా భిన్నంగా ఉంది. నెక్స్ట్‌ ఏ సినిమా చేయాలి.? అనే కన్ఫ్యూజన్‌లో ఉన్న తమ్ముడి కోసం స్టైలిష్‌ స్టార్‌ చాలా బాధపడిపోతున్నాడట. తనకు అత్యంత సన్నిహితులైన కొందరు దర్శకులతో తన తమ్ముడికి కథ చెప్పాలని అడుగుతున్నాడట.
అలా ఓ యువ దర్శకుడు అల్లు శిరీష్‌ కోసం మంచి కథ సిద్ధం చేశాడనీ, అతి త్వరలోనే ఆ సినిమా పట్టాలెక్కనుందని సమాచారమ్‌. సదరు దర్శకుడు అల్లు అర్జున్‌తో ఓ సినిమా చేసి చేతులు కాల్చుకున్నాడు. అయితే అల్లు అర్జున్ లాంటి హీరో సినిమాకి దర్శకత్వం చేసే ఛాన్స్‌ రావడం అంటే పెద్ద విషయమే. ఓ ప్రముఖ హీరో తిరస్కరించిన ఆ దర్శకున్ని అల్లు అర్జున్ చేరదీశాడు. ఇంతలా తనని అల్లు అర్జున్ ఆదరించాడు కాబట్టే, అతని కోసం అతని సూచన మేరకు శిరీష్‌తో సినిమా చేయడానికి ముందుకొచ్చాడట ఆ దర్శకుడు.
గీతా ఆర్ట్స్‌ పతాకరపై ఈ సినిమా రూపొందే అవకాశాలున్నాయి. దర్శకుడికీ, హీరోకీ భరోసా ఇచ్చే క్రమంలో స్వయంగా అల్లు అర్జున్ కూడా ఆ సినిమా నిర్మాణంలో భాగం పంచుకుంటాడనీ అంటున్నారు. ఇంకా ఇంట్రెస్టింగ్‌ టాపిక్‌ ఏంటంటే అల్లు అర్జున్‌తో నటించిన ఓ హీరోయిన్‌ని ఈ సినిమా కోసం హీరోయిన్‌గా ఎంపిక చేయబోతున్నారట.
ఇప్పటికే మేకోవర్‌ పరంగా, చాలా మారిపోయిన శిరీష్‌ తన కొత్త సినిమాలో ఇంకా కొత్తగా మేకోవర్‌ అయ్యే ప్రయత్నం చేస్తున్నాడనీ తెలుస్తోంది. అలాగే ఓ ఫిట్‌నెస్‌ ట్రైనర్‌ని పెట్టుకుని సిక్స్‌ ప్యాక్‌ కోసం కసరత్తులు ప్రారంభించాడట. ఇదొక యాక్షన్‌ బేస్‌డ్‌ ఎంటర్‌టైనింగ్‌ లవ్‌స్టోరీ అని వినికిడి. ఇటీవల శిరీష్‌ హీరోగా వచ్చిన ‘ఎబీసీడీ’ అంచనాల్ని ఏమాత్రం అందుకోలేకపోయింది. వాస్తవానికి ఈ సినిమాపై శిరీష్‌ చాలా ఆశలే పెట్టుకున్నాడు. ఇదిలా ఉంటే, మరో రెండు సినిమాల్నీ లైన్‌లో పెట్టడానికి ఈ అల్లువారబ్బాయ్‌ శత విధాలా ప్రయత్నిస్తున్నాడట. అందులో ఒకటి ప్రయోగాత్మక చిత్రం కావచ్చని సమాచారమ్‌.
239639 212838Normally the New york Weight Loss diet is definitely less expensive and flexible staying on your diet scheme intended for measures however rapidly then duty keep a nutritious daily life. weight loss 471872