కొద్ది గంటల్లో కౌంటింగ్ షురూ అవుతుంది. దేశ వ్యాప్తంగా జరిగిన లోక్సభ ఎన్నికలతో పాటు, కొన్ని రాష్ట్రాల అసెంబ్లీ ఎన్నికల ఫలితాలు వెల్లడి కాబోతున్నాయి. దేశంలో తిరిగి పుంజుకోవాలని కాంగ్రెస్ ఆశిస్తోంది. మళ్లీ అధికారం నిలబెట్టుకోవాలని బీజేపీ భావిస్తోంది. ఎవరి ఆశలు నెరవేరుతాయ్.? ఎవరి అంచనాలు తల్లక్రిందులవుతాయ్.? ఇంకొద్ది గంటల్లోనే తేలిపోతుంది. ఎగ్జిట్ పోల్ అంచనాలన్నీ బీజేపీకే పట్టం కట్టాయి. కాంగ్రెస్ మాత్రం అదంతా ట్రాష్ అంటోంది. ఈ ఎన్నికలు రాహుల్ గాంధీ రాజకీయ భవితవ్యానికి లైఫ్ అండ్ డెత్ సమస్యలాంటివి.
ప్రత్యక్షంగా రాహుల్ గాంధీకీ, నరేంద్రమోడీకి మధ్య జరుగుతున్న ఎన్నికలుగా అందరూ భావిస్తున్నారు. కాబట్టి, ఈ ఎన్నికలు అత్యంత ప్రతిష్ఠాత్మకం రాహుల్ గాంధీకి. అయితే, సరిగ్గా ఎన్నికల సమయంలో రాహుల్ గాంధీకి ప్రియాంకా గాంధీ రూపంలో అదనపు శక్తి వచ్చింది. ప్రియాంకా రాకతో కాంగ్రెస్ పార్టీకి ఊపు పెరిగిన మాట వాస్తవం. అయితే, రాహుల్కి మాత్రం ప్రియాంక రాకతో పెద్ద షాకే తగిలింది. రాజకీయాల్లో రాహుల్ కంటే, ప్రియాంకా బెటర్ అనే అభిప్రాయాలు అంతటా వ్యక్తమవుతున్నాయి. రాహుల్ నేతృత్వంలో కాంగ్రెస్ ఈ సారి సత్తా చాటకపోతే, రాహుల్ని తప్పించి, ఆ స్థానంలో ప్రియాంకాని కూర్చోబెట్టాలని సోనియా భావిస్తున్నారట.
అయితే, రాహుల్ మాత్రం ప్రియాంకా తనకు పోటీ కాదని పలు సందర్భాల్లో చెప్పారు. ప్రియాంకా కూడా తన సోదరుడికి సాయంగా ఉంటాననీ, ఆయనకు పోటీగా రాజకీయాలు చేయబోననీ స్పష్టత ఇచ్చారు. రాహుల్, ప్రియాంకా ఏం చెప్పినా అంతిమంగా కాంగ్రెస్ పార్టీకి బలమైన నాయకత్వం అవసరం. ఆ బలమైన నాయకత్వం తాలూకు లక్షణాలు రాహుల్ కంటే, ప్రియాంకాలో ఎక్కువగా ఉన్నాయి. నాయనమ్మ ఇందిర రూపం ప్రియాంకాకు ఎక్స్ట్రా బోనస్. వాగ్ధాటి, ధైర్యంగా జనంలోకి చొచ్చుకుపోయే తత్వం, ఇవన్నీ రాహుల్ కంటే, ప్రియాంకా రెండు మెట్లు పైన నిల్చునేలా చేశాయి. కాబట్టి, ఫలితాలు ఎలా ఉన్నా, కాంగ్రెస్ పార్టీ ప్రియాంకానే అత్యున్నత పదవిలో చూడాలనుకోవచ్చు.
252050 448702hello I was really impressed with the setup you used with this site. I use blogs my self so very good job. definatly adding to bookmarks. 178702