స్టయిలిష్ స్టార్ అల్లు అర్జున్ హీరోగా మాటల మాంత్రికుడు త్రివిక్రమ్ దర్శకత్వంలో తెరకెక్కుతున్న అల వైకుంఠపురంలో సినిమా శరవేగంగా షూటింగ్ జరుపుకుంటుంది. ఇప్పటికే విడుదలైన రెండు సాంగ్స్ సూపర్ హిట్ గా నిలవడమే కాదు అందులో సామజవరగమనా.. సాంగ్ సౌత్ ఇండియాలోనే నంబర్ వన్ గా నిలిచింది. ఎక్కువ వ్యువర్స్ చుసిన సాంగ్ ఇదే. ఈ రెండు సాంగ్స్ సూపర్ హిట్టవ్వడంతో ఈ సినిమా పై అంచనాలు భారీగా పెరిగిపోయాయి. దాంతో యూనిట్ కాస్త టెన్షన్ పడుతుంది. ఆ అంచనాలను అందుకుంటామా అని.
ఈ విషయం పక్కన పెడితే అల వైకుంఠపురంలో కథ లీక్ అయిందంటూ సోషల్ మీడియాలో మాత్రం జోరుగా ప్రచారం జరుగుతుంది. ఈ సినిమాలో మాజీ హీరోయిన్ టబు కీ రోల్ పోషిస్తుంది. ఇంతకీ ఈ సినిమా కథేమిటంటే .. టబు అల్లు అర్జున్ అక్క పాత్రలో కనిపిస్తుందట. ఓ సాధారణ మధ్య తరగతి ఫ్యామిలీ కి చెందిన ఈ ఫ్యామిలీ నుండి టబు ఓ గొప్పింటికి కోడలుగా వెళుతుందట. అలా ఆ ఫ్యామిలీ లోకి వెళ్లిన టబుకు కొన్ని అనుకోని అడ్డంకులు ఎదురవుతాయట. తన అక్కకు ఎదురైనా సమస్యలను సాల్వ్ చేయడానికి తమ్ముడు అల్లు అర్జున్ రంగంలోకి దిగుతాడట .. ఆ తరువాత మన హీరో ఆ సమస్యలను ఎలా సాల్వ్ చేసాడు అన్నదే సినిమా.
ఏంటి ఈ కథ వింటుంటే .. ఎక్కడో విన్నట్టు .. కాదు చూసినట్టుంది కదా ! ఎస్.. మీరు ఊహించింది నిజమే, సూపర్ స్టార్ మహేష్ హీరోగా గుణశేఖర్ దర్శకత్వంలో వచ్చిన అర్జున్ సినిమా. అచ్చు అలాంటి కథతో ఈ సినిమా ఉంటుందన్నమాట. అయితే మాటల మాంత్రికుడు త్రివిక్రమ్ కాబట్టి .. ఆ కథను అద్భుతంగా మలుస్తాడన్న విషయంలో సందేహాలు లేవు !! మరి సోషల్ మీడియాలో ఈ కథ గురించి జరుగుతున్న ప్రచారంలో నిజం ఎంత అన్నది తెలియాలంటే సినిమా విడుదల దాకా ఆగాల్సిందే.