అఖిల్ .. ఇప్పటికి హీరోగా మంచి క్రేజ్ తెచ్చుకోలేక టెన్షన్ లోనే ఉన్నాడు. ఎన్నో అంచనాలతో అఖిల్ సినిమాతో ఎంట్రీ ఇచ్సిన అఖిల్ కి తీవ్ర నిరాశే మిగిలింది. ఆ తరువాత హలో, మిస్టర్ మజ్ను అంటూ రెండు సినిమాలు చేసినా పరిస్థితిలో ఏమార్పూ లేదు. దాంతో బాగా డిస్సప్పాయింట్ అయిన అఖిల్ ఈ సారి బొమ్మరిల్లు భాస్కర్ తో సినిమా చేస్తున్నాడు. ఇటీవలే రెగ్యులర్ షూటింగ్ మొదలైన ఈ సినిమా తరువాత అఖిల్ మరో సినిమాకు ఓకే చెప్పినట్టు తెలుస్తోంది.
ప్రసుతం అఖిల్ ని ఓ రేంజ్ స్టార్ గా చూడాలని అక్కినేని ఫాన్స్ ఎదురు చేస్తున్నారు. ఈ నేపథ్యంలో బొమ్మరిల్లు భాస్కర్ పై అటు అఖిల్ .. ఇటు అక్కినేని ఫాన్స్ చాలా ఆశలు పెట్టుకున్నారు. ఈ సినిమా తరువాత అఖిల్ ఐదో సినిమా గురించి వార్తలు వస్తున్నాయి. అఖిల్ 5 వ సినిమా ఆ ! ఫేమ్ ప్రశాంత్ వర్మ దర్శకత్వంలో ఉంటుందని టాక్. ఇప్పటికే ఈ దర్శకుడితో చర్చలు కేసుల జరిపారట. ప్రశాంత్ వర్మ చెప్పిన లైన్ నచ్చడంతో ఓకే అన్నారట.
లేటెస్ట్ గా రాజశేఖర్ తో కల్కి సినిమా చేసి మంచి హిట్ అందుకున్న ప్రశాంత్ వర్మ తన నెక్స్ట్ సినిమాను కాజల్ తో లేడి ఓరియెంటెడ్ సినిమా ప్లాన్ చేసాడు, కానీ ఆ ప్రాజెక్ట్ ఆలస్యం అయ్యేలా ఉండడంతో ఇప్పుడు అఖిల్ తో చర్చలు జరిపాడు ప్రశాంత్. సో ప్రశాంత్ వర్మ తో అఖిల్ చేసే సినిమా డిసెంబర్ లో మొదలయ్యే అవకాశాలు ఉన్నాయట. త్వరలోనే దీనికి సంబందించిన ప్రకటన విడుదల చేస్తారట.