పవన్ కళ్యాణ్ మీద ఏడుపు.. ‘పచ్చ వైరస్’కి వైద్యం లేదు.!

జనసేన అధినేత, సినీ నటుడు పవన్ కళ్యాణ్, క్రిస్‌మస్ పర్వదినాన్ని పురస్కరించుకుని సోషల్ మీడియా వేదికగా శుభాకాంక్షలు తెలిపారు.. ఈ క్రమంలో క్రీస్తు బోధనల గురించీ, క్రీస్తు తత్వం గురించీ పేర్కొన్నారు. సినీ ప్రముఖులు కావొచ్చు, రాజకీయ ప్రముఖులు కావొచ్చు.. చాలామంది ఇలా వివిధ సామాజిక మాధ్యమాల ద్వారా, వీలైతే మీడియా ద్వారా శుభాకాంక్షలు చెప్పడం కొత్తేమీ కాదు.

‘అటెన్షన్ కోసం’ ఎదురుచూసే కొందరు, ఇలాంటి సందర్భాల్లోనే వివాదాల్ని రాజేయడం కూడా సర్వసాధారణమే. అలాంటి అవకాశాల కోసం కాచుక్కూర్చున్న పచ్చ వైరస్, సమాజం మొత్తాన్నీ చెడగొట్టేందుకు ప్రయత్నించడం ఇటీవలి కాలంలో మామూలు వ్యవహారంగా మారిపోయింది.

పవన్ కళ్యాణ్ చెప్పిన క్రిస్‌మస్ శుభాకాంక్షలు ఎవరికో నచ్చలేదట, అలాగని ఆ వ్యక్తి (సినీ నటి, బీజేపీ నేత కూడా) సోషల్ మీడియా ద్వారా పేర్కొన్నారు. పవన్ కళ్యాణ్ పేరుతో సోషల్ మీడియా హ్యాండిల్ నిర్వహిస్తున్నవారు ఒళ్ళు దగ్గరపెట్టుకోవాలంటూ ఉచిత సలహా పారేసింది. దాన్ని పట్టుకుని, యెల్లో మీడియా రాద్ధాంతం షురూ చేసేసింది.

చూస్తోంటే, పవన్ చెప్పిన శుభాకాంక్షల మీద కాంట్రవర్సీ క్రియేట్ చేయడం కోసం ముందే అన్ని ఏర్పాట్లూ చేసుకుని, డబ్బులిచ్చి మరీ, సదరు నటితో అలా కామెంట్ చేయించినట్లుంది వ్యవహారం. ఇలాంటి వ్యవహారాలు నడపడంలో సదరు పచ్చ మీడియా దిట్ట మరి.!

దేశ ప్రధాని దగ్గర్నుంచి పలువురు బీజేపీ ప్రముఖులు క్రిస్‌మస్ శుభాకాంక్షలు తెలుపుతూ సోషల్ మీడియాలో స్పందిస్తున్నారు. వాళ్ళెవరి విషయంలోనూ లేని అభ్యంతరాలు, పవన్ కళ్యాణ్ విషయంలో సదరు సినీ నటికి ఎందుకు వచ్చాయో ఏమో. ‘మానవాళి’ అని పవన్ కళ్యాణ్ తన ‘శుభాకాంక్షలు’ మెసేజ్‌లో పేర్కొనడం అభ్యంతరకరంగా తయారైందట సదరు నటికి.

ఆ సదరు నటి వున్నపళంగా హిందూత్వవాదిగా, అనేక హిందూ ధర్మ కార్యక్రమాల్లో పాల్గొన్న వ్యక్తిగా ‘పచ్చ వైరస్’కి కనిపించిందంటే.. ఈ పైత్యాన్ని ఏమనుకోవాలి.? కరోనా వైరస్ కంటే కూడా ఈ పచ్చ వైరస్ సమాజానికి హానికరం.. అనేది ఇందుకే మరి.