ఆ సమయంలో యూపీఐ చెల్లింపులు చేయకండి

గడచిన అయిదు సంవత్సరాలుగా ఆన్ లైన్ చెల్లింపులు.. యూపీఐ ద్వారా చెల్లింపులు భారీ ఎత్తున జరుగుతున్నాయి. ఈ నేపథ్యంలో యూపీఐ ను మరింత సౌకర్యవంతంగా సెక్యూరిటీ ఫీచర్స్‌ తో రెడీ చేయాలనే నిర్ణయానికి వచ్చారు. ఇప్పటికే అందుకు సంబంధించిన పనులు జరుగుతున్నాయి. యూపీఐ చెల్లింపులను మరింతగా సులభతరం చేసేందుకు గాను మెరుగైన సేవలను అందించడం కోసం యూపీఐ ను అప్ గ్రేడ్‌ చేస్తున్నట్లుగా పేర్కొన్నారు.

యూపీఐ అప్ గ్రేడ్‌ పనులు జరుగుతున్న కారణంగా కొన్ని రోజుల పాటు రాత్రి 1 నుండి తెలవారు జామున 3 గంటల వరకు అసౌకర్యం తలెత్తే అవకాశం ఉంది. కనుక ఆ సమయంలో అసలు నగదు బదిలికి ప్రయత్నించక పోవడం మంచిది అని సంస్థ అధికారిక ట్విట్టర్‌ ఖాతాలో పేర్కొన్నారు. ఇతర సమయాల్లో ఎలాంటి ఇబ్బంది లేకుండా చెల్లింపులు అయితే చేసుకోవచ్చు అంటూ సంస్థ పేర్కొంది. దేశంలో ప్రస్తుతం పెద్ద ఎత్తున యూపీఐ చెల్లింపులు జరుగుతున్న నేపథ్యంలో ఈ మార్పులు చేర్పులు చేస్తున్నారట.