ఓటిటిలో సినిమా రిలీజ్ అంటే అంత వీజీ కాదు!

ప్రస్తుతం సినిమాలకు కష్ట కాలం నడుస్తోంది. మూడు నెలల నుండి సినిమా షూటింగ్ లేదు, సినిమాల రిలీజ్ లు లేవు. ఏ రకమైన వర్క్ జరగట్లేదు. అయితే ఇప్పుడిప్పుడే పరిస్థితిలో మార్పు వస్తోంది. పోస్ట్ ప్రొడక్షన్ పనులకు అనుమతి లభించింది. చిత్రీకరణ పూర్తి చేసుకున్న సినిమాలు డబ్బింగ్ పనులు, రీ రికార్డింగ్ తదితర పనులు చేసుకోవచ్చు. షూటింగ్ లకు జులై నుండి అనుమతులు వచ్చే అవకాశముంది. అలాగే థియేటర్లు ఆగస్ట్ నుండి తెరుచుకోవచ్చు అంటున్నారు. ఒకవేళ థియేటర్లకు అనుమతులు వచ్చినా ప్రేక్షకులు ఈ కరోనా ప్రభావం వల్ల ఎంత వరకూ సినిమాలు చూడటానికి వస్తారు అన్నది ప్రశ్నర్ధకమే.

ఇదిలా ఉంటే నిర్మాతలకు థియేటర్లకు ప్రత్యామ్నాయంగా ఓటిటి రిలీజ్ కనిపిస్తోంది. చిన్న సినిమాలతో పాటు పెద్ద సినిమాలను కొనుగోలు చేయడానికి కూడా ఓటిటి సంస్థలు ఉత్సాహం చూపించాయి. అయితే థియేట్రికల్ సిస్టంతో పోలిస్తే ఓటిటి రిలీజ్ అన్నది అంత ఈజీ కాకపోవచ్చు.

రీసెంట్ గా రిలీజైన జ్యోతిక సినిమా పోన్మంగళ్ వండాళ్ చిత్రాన్ని తీసుకుంటే దానికి రెస్పాన్స్ పేలవంగా ఉంది. రొటీన్ సినిమానే అని క్రిటిక్స్ కూడా తేల్చేసారు. ఓటిటిలో రిలీజైన సినిమాకు వ్యూస్ అనేవి చాలా కీలకం. ఎంత సబ్స్క్రిప్షన్ ఉన్నా కానీ సినిమా నచ్చితేనే జనాలు చూడటానికి ఇష్టపడతారు. లేదంటే ఓటిటిలో అయినా కూడా చూడట్లేదు. పోన్మంగళ్ వండాళ్ చిన్న సినిమా కాబట్టి సూర్యకు రిస్క్ లేకుండా సేఫ్ అయిపోయాడు. అదే పెద్ద సినిమా అయ్యుండి టాక్ తేడా వస్తే కచ్చితంగా వ్యూస్ పరంగా ఎఫెక్ట్ చూపిస్తుంది. అందుకే నిర్మాతలు ఓటిటి రిలీజ్ అంటే ఒకటికి రెండు సార్లు ఆలోచిస్తున్నారు.