కరోనా.. చైనా పనా?

ప్రపంచాన్ని తీవ్రంగా వణికిస్తున్న కరోనా వెనుక పెద్ద గూడుపుఠాణీ దాగి ఉందా? తన ఆర్థిక వ్యవస్థను మెరుగుపరుచుకునేందుకు చైనా ఈ వికృత క్రీడకు తెరతీసిందా? అంటే ఔననే సమాధానాలు వినిపిస్తున్నాయి. కరోనా దెబ్బకు ప్రాణ నష్టంతోపాటు కనీవినీ ఎరుగని స్థాయిలో ఆర్థిక నష్టాలు చోటుచేసుకున్నాయి. అన్ని దేశాల స్టాక్ మార్కెట్లు పేకమేడల్లా కుప్పకూలుతున్నాయి.

కరోనా కారణంగా గత నెల రోజులుగా ప్రపంచవ్యాప్తంగా ఇదే పరిస్థితి నెలకొంది. దాదాపు అన్ని దేశాల మార్కెట్లు 0.27 శాతం నుంచి -0.12 శాతం మేర నష్టాలు మూటగట్టుకున్నాయి. కానీ ఈ వైరస్ పుట్టుకకు కేంద్రంగా భావిస్తున్న చైనాలో మాత్రం మార్కెట్ల వృద్ధి 0.3 శాతం ఉండటం విస్తుగొలుపుతోంది.

అమెరికా, చైనా మధ్య నెలకొన్న వాణిజ్య యుద్ధంలో పైచేయి సాధించడం కోసం చైనా ఇంతటి దారుణానికి తెగబడిందనే ఆరోపణలు వినిపిస్తున్నాయి. ముఖ్యంగా అమెరికాను దెబ్బ కొట్టేందుకే చైనా కరోనా వైరస్ ను వినియోగించుకుందని పలువురు పేర్కొంటున్నారు. కరోనా వైరస్ రాకముందు చైనా ఆర్థిక వ్యవస్థ మాంద్యం వైపు వెళుతోంది. చైనాలోని పలు కీలక పరిశ్రమలు, ప్లాంట్లలో సింహ భాగం షేర్లు అమెరికా, యూరోపియన్ పెట్టుబడిదారుల చేతుల్లో ఉన్నాయి. వాటిని చేజిక్కించుకునేందుకు పావులు కదుపుతున్న తరుణంలోనే కరోనా వైరస్ వెలుగుచూసింది.

దీంతో ఆర్థిక వ్యవస్థపై దాని ప్రభావం పడి మార్కెట్లు కుప్పకూలడం మొదలయ్యాయి. ఈ నేపథ్యంలో విదేశీ ఇన్వెస్టర్లు తమ షేర్లను అమ్మి సొమ్ము చేసుకోవాలని భావించారు. ఎంత వస్తే అంతకు అమ్మేసుకున్నారు. సరిగ్గా ఆ సమయంలోనే చైనా ప్రభుత్వం ఆ షేర్లను కొనుగోలు చేసింది. దీంతో ఆ కంపెనీలన్నీ చైనా ప్రభుత్వం ఆధీనంలోకి వెళ్లిపోయాయి. అంటే, కరోనా వైరస్ ను బూచిగా చూపించి అతి తెలివితో, చాలా తక్కువ మొత్తంతో విదేశీ కంపెనీలను సొంతం చేసుకుంది. ఈ విషయం విదేశీ ఇన్వెస్టర్లు గ్రహించే సరికి జరగాల్సిన నష్టం జరిగిపోయింది. ఈ కారణంగానే ప్రపంచవ్యాప్తంగా మార్కెట్లు కుదేలు కాగా, చైనా మాత్రం వృద్ధి సాధించింది.

ఇది మొదటి అంకం మాత్రమేనని.. తదుపరి అంకానికి చైనా త్వరలోనే తెర లేపబోతుందనే వాదన బలంగా వినిపిస్తోంది. కరోనా యాంటీ బయాటిక్ మందు చైనా దగ్గర ఉందని.. ప్రపంచం మొత్తం ఈ వైరస్ బారిన పడి విలవిలలాడుతున్న తరుణంలో దానిని బయటపెడుతుందని చెబుతున్నారు. దీంతో దేశాలన్నీ ఆ మందును కొనడానికి క్యూ కడతాయని.. దానిని అమ్మడం ద్వారా చైనా తన ఆర్థిక వ్యవస్థను మరింత బలోపేతం చేసుకుని సూపర్ పవర్ అవుతుందని పేర్కొంటున్నారు. వీటిలో నిజానిజాలు తెలియాలంటే అంతర్జాతీయ స్థాయిలో విచారణ జరగాల్సిందే.