స్థానిక సంస్థల ఎన్నికలకు కరోనా వైరస్‌ (కోవిడ్‌ 19) సెగ తగిలింది. స్థానిక ఎన్నికల ప్రక్రియను ఏకంగా ఆరు వారాల పాటు వాయిదా వేస్తున్నట్లు రాష్ట్ర ఎన్నికల ప్రధానాధికారి రమేష్‌ కుమార్‌ కాస్సేపటి క్రితం ప్రకటించారు. అయితే, ఎన్నికల కోడ్‌ మాత్రం యధాతథంగా అమల్లో వుంటుందని ఆయన స్పష్టతనివ్వడం గమనార్హం. ఇప్పటికే ఏకగ్రీవంగా విజయం సాధించినవారు, తర్వాత జరగబోయే ఎన్నికల్లో గెలిచినవారితో కలిసి బాధ్యతలు తీసుకుంటారని రాష్ట్ర ఎన్నికల సంఘం పేర్కొంది.
దేశ వ్యాప్తంగా కరోనా వైరస్‌ తీవ్రత పట్ల ఆందోళన నెలకొందనీ, భారత ప్రభుత్వం కూడా జాతీయ విపత్తుగా కరోనా వైరస్‌ తీవ్రతను అభివర్ణించిందనీ, ఈ నేపథ్యంలోనే స్థానిక ఎన్నికల ప్రక్రియను వాయిదా వేస్తున్నామని రాష్ట్ర ఎన్నికల ప్రధానాధికారి రమేష్‌ కుమార్‌ ప్రకటించారు. మరోపక్క, స్థానిక ఎన్నికల ప్రక్రియలో అభ్యర్థులు నామినేషన్లు వేయలేని పరిస్థితి రావడం దురదృష్టకరమని ఎన్నికల సంఘం వ్యాఖ్యానించడం గమనార్హం.
రాష్ట్రంలో స్థానిక ఎన్నికల ప్రక్రియ నేపథ్యంలో చోటు చేసుకున్న ఘర్షణ వాతావరణం నేపథ్యంలో పలువురు అధికారుల్ని కూడా సస్పెండ్‌ చేస్తున్నట్లు ప్రకటించడమే కాదు, కొన్ని ప్రాంతాల్లో అధికారుల మార్పు కూడా జరుగుతందని ఎన్నికల సంఘం తేల్చి చెప్పింది.
ఇదిలా వుంటే, స్థానిక ఎన్నికల ప్రక్రియ వాయిదా పట్ల వివిధ రాజకీయ పార్టీలు హర్షం వ్యక్తం చేస్తున్నాయి. ఏకగ్రీవాల్ని కూడా రద్దు చేసి, ఫెయిర్‌గా ఎలక్షన్స్‌ నిర్వహించాలనే డిమాండ్‌ తెరపైకొస్తోంది. నిజానికి, ఎన్నికల వాయిదాపై నిర్ణయం చాలా ఆలస్యమయ్యిందనీ, నెల్లూరులో తొలి కరోనా వైరస్‌ కేసు నమోదవడానికి ముందే చర్యలు తీసుకుని వుండాల్సిందన్న వాదనలు తెరపైకొస్తున్నాయి.
ఏదిఏమైనా, రాష్ట్రాన్ని స్థానిక ఎన్నికలు రావణ కాష్టంలా మార్చేసిన దరిమిలా, కరోనా వైరస్‌ ఎఫెక్ట్‌.. రాష్ట్ర ప్రజలకు కాస్త ఉపశమనం ఇచ్చిన మాట వాస్తవం.
368662 892029This web site can be a walk-through its the information you wanted concerning this and didnt know who to ask. Glimpse here, and youll undoubtedly discover it. 242590
625210 720020I gotta favorite this internet site it seems handy . 332798
952484 447715The place else may just anyone get that kind of information in such an ideal approach of writing? 628012