తన ప్రేమ్ కహానిని లీక్ చేసిన పవన్ హీరోయిన్

బాలీవుడ్ లో ప్రేమ కహానీలు ఇవాళ కొత్తేమి కాదు .. నాటినుండి వస్తున్న తంతే. అయితే ఈ మధ్య కాలంలో ఈ ప్రేమ్ కహానీలు మరి ఎక్కువయ్యాయి. ఇప్పటికే పలువురు హీరోలు, హీరోయిన్స్ ప్రేమించి పెళ్లి చేసుకున్నారు .. మరికొందరు ప్రేమ విఫలమై పెళ్ళికి దూరంగా ఉంటున్నారు. తాజాగా దీపికా – రణ్వీర్ సింగ్, అనుష్క శర్మ – విరాట్ కోహ్లీల ప్రేమ్ కహాని పెళ్లి వరకు వెళ్ళింది. తాజాగా హీరో రణవీర్ కపూర్ – అలియా భట్ లు ఘాటు ప్రేమలో ఉన్నారు.

తాజాగా ఇప్పుడు మరో అమ్మడి ప్రేమాయణం గురించి బయటికి లీక్ అయింది. ఆ అమ్మడు ఎవరో కాదు కృతి కర్బందా. హిందీలో పలు సినిమాలు చేసి మంచి తెచ్చుకున్న కృతి తెలుగులో బోణి, తీన్మార్, ఒంగోలు గిత్త చిత్రాల్లో నటించింది. అయితే ఆ సినిమాలేవీ కమర్షియల్ గా సక్సెస్ కాకపోవడంతో ఈ అమ్మడికి తెలుగులో ఛాన్సులు దక్కలేదు. దాంతో బాలీవుడ్ లోనే ఉండిపోయింది.

ఇదివరకే కృతి బాలీవుడ్ హీరోతో డేటింగ్ చేస్తున్నట్టు జోరుగా ప్రచారం జరిగింది. ఇప్పటికే వీరిద్దరూ కలిసి షికార్లు చేయడం, పార్టీలు, పబ్ లు అంటూ నానా హంగామా చేయడంతో బి టౌన్ మొత్తం కోడై కూసింది. అయితే ఈ విషయాన్ని గురించి ఇన్నాళ్లు దాచిపెట్టిన ఈ హీరోయిన్ తాజాగా తన ప్రేమ విషయం గురించి ప్రకటించింది. అంతే కాదు తన బాయ్ ఫ్రెండ్ తో కలిసి దిగిన ఫోటోలు సోషల్ మీడియాలో అప్లోడ్ చేసి మరి షాక్ ఇచ్చింది కృతి.

ఇంతకీ కృతి కర్బందా ను ప్రేమలో దించింది ఎవరో తెలుసా .. హీరో పుల్కిట్ సామ్రాట్ ? అవును చాలా రోజులనుండి వీరిద్దరి ప్రేమాయణం జోరుగా సాగుతుంది. అయితే తన ప్రేమ విషయాన్నీ ముందుగా తన తల్లిదండ్రులకే చెప్పాలని ఉందని, ప్రేమ విషయాన్నీ రహస్యంగా ఉంచాలని అనుకోవడం లేదని తెలిపింది కృతి.