స్పెషల్: చిరు ‘సైరా’ కోసం ఎన్ని కాస్ట్యూమ్స్ మార్చాడో తెలుసా?

10 ఏళ్ళ క్రితమే కథ ఓకే చేసి పక్కన పెట్టుకున్న మెగాస్టార్ చిరంజీవి గారి డ్రీం ప్రాజెక్ట్ ‘సైరా నరసింహారెడ్డి’. తండ్రి డ్రీం ప్రాజెక్ట్ కి తనయుడైన రామ్ చరణ్ పూర్తి చేసి అక్టోబర్ 2న ప్రపంచవ్యాప్తంగా 5 భాషల్లో రిలీజ్ చేయడానికి అన్ని సన్నాహాలు పూర్తి చేస్తున్నారు. 1840లో జరిగిన ఈ కథని మనకి చూపించడం టీంకి కాస్త కష్టతరమే అని చెప్పాలి.

ముఖ్యంగా అప్పట్లో ఎలాంటి బట్టలు వేసుకునే వారువారి వేష ధారణ, అలంకరణ ఎలా ఉండేది, వాడిని ఎలా డిజైన్ చెయ్యాలి అనేది కత్తిమీద సాములాంటిది. కానీ చాలా మంది టాలెంటెడ్ డిజైనర్స్ సాయంతో పర్ఫెక్ట్ గా ఫినిష్ చేయగలిగాను అంటోంది ఈ చిత్ర కాస్ట్యూమ్ డిజైనర్, చిరు పెద్ద కుమార్తె సుస్మిత.

సుస్మిత నుంచి తీసుకున్న ప్రత్యేక సమాచారం ప్రకారం ఈ సినిమాలో చిరంజీవి మొత్తంగా 45 రకాల కాస్ట్యూమ్స్ మార్చుతారట. సందర్భానుసారంగా మారే ప్రతి కాస్ట్యూమ్ అందరికీ నచ్చేలా ఉంటుందని, వాటి కోసం చాలా కష్టపడాల్సి వచ్చిందని చెప్పారు. చిరంజీవి, అమితాబ్ బచ్చన్, అనుష్క, నయనతార, తమన్నా, విజయ్ సేతుపతి కాస్ట్యూమ్స్ సుస్మిత డిజైన్ చేస్తే మిగతా వారి కాస్ట్యూమ్స్ ఫెమస్ స్టైలిస్ట్ ఉత్తర మీనన్ డిజైన్ చేశారు. అలాగే ఇండియన్ టాప్ కాస్ట్యూమ్ డిజైనర్ అయినా అంజు మోడీ ఇలాంటి సినిమాకి ఎలాంటి కలర్ పాలెట్ వాడితే బాగుంటుంది అనే విషయాన్ని చూసుకున్నారు.

ఇప్పటికే ట్రైలర్ చుసిన కొన్ని కాస్ట్యూమ్స్ అప్పటి తరాన్ని తలపించేలా ఉన్నాయి. అలాగే చిరంజీవిని చూపించని కోణాలు సినిమాలో చాలానే ఉన్నాయి. సో ఆ కాస్ట్యూమ్స్ కూడా అదిరిపోయేలా ఉంటాయని సుస్మిత అంటోంది. ‘ సైరా నరసింహారెడ్డి’ ప్రీ రిలీజ్ వేడుక సెప్టెంబర్ 22న ఎల్.బి స్టేడియంలో గ్రాండ్ గా జరగనుంది.