SSMB : సూపర్ స్టార్‌ మహేష్ బాబు హీరోగా టాలీవుడ్‌ జక్కన్న రాజమౌళి దర్శకత్వంలో రూపొందబోతున్న సినిమా ప్రీ ప్రొడక్షన్ వర్క్ జరుగుతున్నట్లు ఇటీవలే అధికారికంగా ప్రకటన వచ్చింది. ఈ ఏడాది ఆగస్టు లో సినిమా ను అధికారికంగా మహేష్ బాబు బర్త్‌ డే సందర్భంగా అనౌన్స్ చేసే విధంగా ప్లాన్‌ చేస్తున్నారట.
రాజమౌళి తన ఆర్ఆర్ఆర్ సినిమాకు ప్రముఖ రచయిత సాయి మాధవ్ బుర్రా తో డైలాగ్స్ రాయించాడు. ఈ మధ్య కాలంలో పవర్‌ ఫుల్ డైలాగ్స్ రాయడంలో సాయి మాధవ్ బుర్ర తర్వాతే అంతా అన్నట్లుగా ఇండస్ట్రీలో టాక్‌ వినిపిస్తుంది. దాంతో రాజమౌళి మరోసారి ఆయనతో వర్క్ చేయబోతున్నాడు.
స్క్రిప్ట్‌ వర్క్ జరుగుతున్న సమయంలోనే డైలాగ్‌ వర్షన్ ని కూడా రెడీ చేస్తున్నారని తెలుస్తోంది. సాయి మాధవ్ బుర్రా ఇటీవల ఒక ఇంటర్వ్యూలో రాజమౌళి – మహేష్ బాబు సినిమాకు తాను వర్క్ చేస్తున్నట్లుగా అఫిషియల్‌ గా ప్రకటించాడు. దాంతో డైలాగ్స్ కచ్చితంగా అద్భుతంగా ఉంటాయని అంతా చాలా నమ్మకంగా ఉన్నారు.