Jailer : సూపర్ స్టార్ రజినీకాంత్ రోబో సినిమా తర్వాత ఇప్పటి వరకు సరైన సక్సెస్ ను దక్కించుకోలేక పోయాడు. నెల్సన్ దిలీప్ దర్శకత్వంలో రూపొందిన జైలర్ సినిమాతో భారీ విజయాన్ని సొంతం చేసుకోవడం ఖాయం అంటూ అభిమానులు చాలా నమ్మకంగా ఉన్నారు. మరి ఈ సినిమా ఎలా ఉంది అనేది ఈ రివ్యూలో చూద్దాం.
కథ :
ముత్తువేల్‌ పాండియన్‌ (రజినీకాంత్) రిటైర్డ్‌ జైలర్. ఆయన తన కుటుంబ సభ్యులతో హాయిగా జీవితాన్ని సాగిస్తూ ఉంటాడు. భార్య రమ్యకృష్ణ, కొడుకు అర్జున్ తో పాటు మనవడితో కుటుంబం మొత్తం సంతోషంగా ఉంది. అలాంటి సమయంలో విగ్రహాలు దొంగిలించే నిందితుడిని పట్టుకునే క్రమంలో అర్జున్ మిస్‌ అవుతాడు. ఆ సమయంలో కొడుకు కోసం పాండియన్‌ ఏం చేశారు అనేది సినిమా కథ.
నటీనటుల నటన :
రజినీ కాంత్‌ నటన గురించి ప్రత్యేకంగా చెప్పనక్కర్లేదు. గతంలో మాదిరిగా కాకుండా ఈసారి తన వయసుకు తగ్గ పాత్ర తో అలరించే ప్రయత్నం చేశాడు. ఆయన యాక్షన్‌ సన్నివేశాల్లో కూడా మెప్పించాడు. ట్రేడ్‌ మార్క్‌ సన్నివేశాలతో రజినీకాంత్ ఆకట్టుకున్నాడు. రమ్యకృష్ణ మంచి పాత్రలో నటించి తన నటనతో ఆకట్టుకున్నారు. ఇక యోగిబాబు తన కామెడీతో ఆకట్టుకున్నాడు. తమన్నాకు పెద్దగా ప్రాముఖ్యత దక్కలేదు. ఇతరులు వారి పాత్రల పరిధిలో నటించి మెప్పించారు.
టెక్నికల్‌ :
దర్శకుడు నెల్సన్ దిలీప్ ఈ సినిమాలో రజినీకాంత్ ను విభిన్నంగా చూపించాలనే ప్రయత్నంలో సఫలం అయ్యాడు. ఆయన ఆకట్టుకునే కథ ను ఎంపిక చేసుకున్నాడు. కానీ స్క్రిప్ట్‌ విషయం మరింతగా జాగ్రత్త వహించాల్సిన అవసరం ఉంది. స్క్రీన్ ప్లే విషయం లో దర్శకుడు ఇంకాస్త శ్రద్ద తీసుకుని ఉండాల్సింది. మేకర్స్ ఫస్ట్‌ హాఫ్ లో మంచి సన్నివేశాలను ప్లాన్‌ చేశారు. కానీ ఆ తర్వాత మాత్రం ఆకట్టుకోవడంలో విఫలం అయ్యారు. బ్యాక్ గ్రౌండ్ స్కోర్ బాగుంది. అయితే పాటలు కొన్ని తమిళ ప్లేవర్‌ తో మెప్పించలేక పోయాయి. ఇక సినిమాటోగ్రాఫర్ మెప్పించింది.
ప్లస్ పాయింట్స్ :
- రజినీకాంత్,
- ఇంటర్వెల్‌ సీన్‌,
- అనిరుథ్‌ సంగీతం,
మైనస్ పాయింట్స్ :
- డార్క్‌ కామెడీ మెప్పించలేదు,
- స్లో కథనం,
- రెండో భాగం.
చివరగా…
రజినీకాంత్ నుండి ప్రేక్షకులు అంతకు మించి అంటూ ఆశిస్తున్నారు. ఆయన్ను ఇలా చూడాలని ప్రేక్షకులు అనుకున్నారు. కానీ స్క్రీన్ ప్లేతో మరిపించి ఉంటే బాగుండేది. సూపర్ స్టార్ అభిమానులకు ఈ సారి కూడా సగం సగం ఎంటర్ టైన్మెంట్‌.
తెలుగు బులెటిన్ రేటింగ్ : 2.5/5