Bigg Boss7: తెలుగులో అతిపెద్ద రియాలిటీ షో ‘బిగ్ బాస్-7( Bigg Boss)’ సీజన్ మొదలవ్వకముందే వివాదంలో చిక్కుకుంది. ఈ షో ని హోస్ట్ చేస్తున్న సీనియర్ హీరో అక్కినేని నాగార్జున( Nagarjuna) కి, ప్రసారం చేస్తున్న ఛానల్ కి కోర్టు నోటీసులు జారీ చేసింది. ఈ షో మొదలైన కొత్తలో రికార్డు స్థాయి రేటింగ్ లతో దూసుకుపోయింది. ఆ తర్వాత కంటెంట్ తక్కువ అవడంతో విమర్శలు మొదలయ్యాయి.
ఈ క్రమంలో సిపిఐ నేత నారాయణ బహిరంగంగానే విమర్శలు చేశారు. ఈ షోలో అశ్లీలత ఎక్కువగా ఉండటం వల్ల యువత చెడిపోతుందంటూ ఆరోపించారు. ఇందులో అసభ్యకరమైన సన్నివేశాలు ఎక్కువగా ఉంటున్నాయంటూ హైకోర్టులో పిటిషన్ కూడా వేశారు. కోర్టు కూడా ఈ షోను నిలిపివేయాలని తీర్పునిచ్చింది. ఈ క్రమంలో వేసిన మరో పిటిషన్ విచారణకు రాగా తాజాగా ఈ షోని ప్రసారం చేస్తున్న ఛానల్ కి, హోస్ట్ చేస్తున్న నాగార్జునకి నోటీసులు జారీ చేసింది. ఈ పిటిషన్ పై కౌంటరు దాఖలు చేయాలని కూడా చెప్పింది. తదుపరి విచారణను నాలుగు వారాలకు వాయిదా వేసింది. అయితే గతంలోనూ ఈ షోపై పలు పిటిషన్లు వేసినా నిరాటంకంగా సాగింది. ఇటీవల ‘బిగ్ బాస్ సీజన్ 7’ కి సంబంధించి ప్రోమో కూడా రిలీజ్ చేశారు. కోర్టు తాజా తీర్పు నేపథ్యంలో ఈ షోని కొనసాగిస్తారా లేదా అన్నది తెలియాల్సి ఉంది.