అసలైన ‘జబర్దస్త్‌’ జడ్జ్‌ ఇంద్రజ

జబర్దస్త్‌ కార్యక్రమం ప్రారంభం అయ్యి 9 ఏళ్లు పూర్తి అయ్యింది. మరి కొన్ని నెలల్లో జబర్దస్త్‌ కు దశాబ్ద కాలం పూర్తి అవ్వబోతుంది. మొన్నటి వరకు రోజా జడ్జ్ గా వ్యవహరించిన విషయం తెల్సిందే.

రోజా జడ్జ్ గా ఉన్న సమయంలోనే కొన్ని సార్లు లేడీ జడ్జ్‌ లు కొందరు వచ్చారు. రోజా అనారోగ్యంతో బాధ పడుతున్న సమయంలో ఇంద్రజ జడ్జ్‌ గా ఎంట్రీ ఇచ్చారు. అలా జడ్జ్‌ గా గెస్ట్‌ ఎంట్రీ ఇచ్చిన ఇంద్రజ అందరికి నచ్చింది. దాంతో రోజా వద్దు ఇంద్రజ కావాలన్నారు.

అంతటి పాపులారిటీని దక్కించుకున్న ఇంద్రజ కు శ్రీదేవి డ్రామా కంపెనీ యొక్క ఫుల్ టైమ్‌ జడ్జ్‌ అవకాశం ఇవ్వడం జరిగింది. అక్కడ కూడా ఆకట్టుకుంది. సుధీర్‌ తో ఆమె అనుబంధం మంచి టాక్ ను దక్కించుకుంది.

మంత్రి పదవి రావడంతో జబర్దస్త్‌ నుండి రోజా దూరం అవ్వడంతో ఆమె స్థానంను ఇంద్రజ భర్తీ చేస్తోంది. ఇంద్రజ వారాలు గడుస్తున్నా కొద్ది ఎక్కువగా నచ్చుతుందని ప్రేక్షకులు అంటున్నారు.

కంటెస్టెంట్స్ తో మమేకం అవ్వడం మొదలుకుని ఆమె లుక్‌.. ఆమె కట్టు బొట్టు.. ఆమె కామెంట్స్ చెప్పే విధానం.. ఆమె పంచ్ లకు నవ్వే విధానం.. కొన్ని సార్లు అమాయకంగా పెట్టే ఫేస్ ఇలా అన్ని కూడా ఇంద్రజను నిజంగా జబర్దస్త్‌ జడ్జ్ అనేలా చేస్తున్నారు. అసలైన జబర్దస్త్‌ జడ్జ్ ఇంద్రజ అంటూ చాలా మంది అభిమానులు కామెంట్స్ చేస్తున్నారు.

జబర్దస్త్‌ రోజా వెళ్లి పోయాక.. మరి కొందరు కమెడియన్స్ వెళ్లి పోయాక ఎలాంటి పరిస్థితులను ఎదుర్కొంటుందో అనుకుంటూ ఉంటే అనూహ్యంగా ఇంద్రజ వల్లే ఇప్పుడు మళ్లీ రేటింగ్‌ పెరుగుతుందని కామెంట్స్ వస్తున్నాయి.

ఇంద్రజ ముందు ముందు షో ను మళ్లీ గాడిలో పెట్టి పూర్తి పట్టు సాధిస్తుందని బుల్లి తెర వర్గాల వారు అంటున్నారు. ఇక ఇప్పటి వరకు జబర్దస్త్‌ లో వచ్చిన లేడీ జడ్జ్‌ ల్లో ది బెస్ట్‌.. అండ్‌ ది గుడ్‌ జడ్జ్‌ ఇంద్రజ అంటూ అభిమానులు కామెంట్స్ చేస్తున్నారు.