సంచలన దర్శకుడు రామ్ గోపాల్ వర్మ రూపొందించిన లడ్కి చిత్రం ఈ నెల 15న విడుదల కాబోతోంది. తెలుగులో అమ్మాయి అనే టైటిల్ ను ఫిక్స్ చేసారు. ఈ చిత్రంలో పూజ బాలేకర్ ప్రధాన పాత్రను పోషించింది. తెలుగు, తమిళ్, మలయాళం, కన్నడ, హిందీ, చైనా భాషల్లో ఈ చిత్రం విడుదల కాబోతోంది. భారతదేశ మొదటి మార్షల్ ఆర్ట్స్ చిత్రంగా వర్మ ప్రమోట్ చేస్తున్నాడు.
ఈ సందర్భంగా మీడియాతో పూజ బాలేకర్ ముచ్చట్లు
వర్మ లాంటి దర్శకుడి సినిమాలో నటించడం ఎలా అనిపించింది?
నేను మొదటి నుండి సినిమాల్లోకి రావాలని అనుకోలేదు. చిన్నతనం నుండే మార్షల్ ఆర్ట్స్ ను ప్రాక్టీస్ చేశాను. అయితే వర్మ గారి నుండి ఫోన్ రాగానే మాత్రం ఎగ్జైటింగ్ గా అనిపించింది. ముంబైలో ఆయన ఆఫీస్ కు వెళ్లాను. ఆడిషన్ ఇచ్చాను. ఆయనకు నచ్చింది. వర్మ గారి లాంటి దర్శకుడి ద్వారా నా కెరీర్ స్టార్ట్ కావడం సరైన ఛాయస్ గా అనిపించింది.
మార్షల్ ఆర్ట్స్ మీద సినిమా కాబట్టి ఒప్పుకున్నారా లేక?
మార్షల్ ఆర్ట్స్ మీద సినిమా కాబట్టే వర్మ గారి దృష్టిలో నేను పడ్డాను. అది వచ్చు కాబట్టే నన్ను తీసుకున్నారు. లేకపోతే నాకంటే అందంగా ఉన్నవాళ్లు, హీరోయిన్ కి పెర్ఫెక్ట్ సెట్ అనుకున్న వాళ్ళు చాలా మంది ఉన్నారు. ఈ సినిమా ద్వారా కొంత మంది అమ్మాయిలైనా మార్షల్ ఆర్ట్స్ పై అవగాహన నేర్చుకుంటారని ఆశిస్తున్నాను.
మీ మొదటి సినిమానే ప్యాన్ వరల్డ్ అయ్యింది. ఎలా అనిపిస్తోంది?
నేనైతే ఇంత భారీ లెవెల్లో విడుదలవుతుందని ఊహించలేదు. వర్మ సర్ కూడా అనుకుని ఉండరు. షూటింగ్ కు ముందు ఎన్నో టెస్ట్ షూట్ లు చేసారు. అవి వివిధ ప్రొడక్షన్ కంపెనీలకు నచ్చడంతో ఇంత భారీ రిలీజ్ దక్కుతోంది.
అమ్మాయిలో మీ పాత్ర గురించి చెప్పండి.
ఇందులో నా పేరు పూజ కానిక్. నేను రావడానికంటే ముందే ఆ పాత్రకు ఆ పేరు పెట్టారు. ఇదంతా డెస్టినీ అనుకోవచ్చు. పూజకు బ్రూస్ లీ అంటే ఇష్టం. తన మీద ఇష్టంతోనే మార్షల్ ఆర్ట్స్ నేర్చుకుంటుంది. ఆమె జీవితంలో ఎదురైన కొన్ని సంఘటనలు ఆమెను మార్షల్ ఆర్ట్స్ వైపుకి ఎలా మళ్లించాయి, ఆమె తీసుకున్న నిర్ణయాలతో ఆమె జీవితం ఎలా మారింది అన్నది చిత్రంలో ప్రధానంగా ఉంటుంది.
ఈ సినిమాలో పూజ పాత్రకు మార్షల్ ఆర్ట్స్ ఎంత వరకూ సహాయపడింది?
యాక్షన్ సీక్వెన్స్ లు చేయడంలో చాలా కలిసివచ్చింది. నాకు బేసిక్ గా యాక్టింగ్ బ్యాక్ గ్రౌండ్ లేకపోయినా వర్మ సర్ చక్కగా వివరించేవారు.
మీరు, వర్మ గారు కలిసి యాక్షన్ సీక్వెన్స్ లు డిజైన్ చేశారట కదా?
వర్మ సర్ కి థియరీ పరంగా మార్షల్ ఆర్ట్స్ పై మంచి పట్టుంది. వర్మ గారి సలహాల వల్ల ఈజీగా కంపోజ్ చేయగలిగాను.
మార్షల్ ఆర్ట్స్ తో పాటు గ్లామర్ గా కూడా కనిపించారు?
ఈ సినిమాలో మార్షల్ ఆర్ట్స్ తో పాటు గ్లామర్ కూడా ఉండాలన్నారు. యాక్షన్, ఫిట్ నెస్, గ్లామర్ పరంగా నేను పెర్ఫెక్ట్ గా చూపించాలి అనుకున్నాను. నేను ఏదైనా చేయగలను. అందుకే రెండిటినీ బ్యాలెన్స్ చేశాను.
వర్మ గారి సినిమాలు ఏమైనా చూసారా?
నేను ఆయనకు చాలా పెద్ద ఫ్యాన్. ఆయన తీసిన రంగీలా, సత్య, సర్కార్ అన్నీ కూడా నా ఫెవరెట్ సినిమాలు.
దీని తర్వాత సినిమాల్లో కంటిన్యూ అయ్యే అవకాశం ఉందా?
మార్షల్ ఆర్ట్స్ లో నేను చాలా సాధించాను. నా టాలెంట్ తో ఇకపై సినిమాల్లో కంటిన్యూ అవ్వాలి అనుకుంటున్నా.
అంటే మార్షల్ ఆర్ట్స్ బ్యాక్ గ్రౌండ్ లోనే సినిమాలు చేస్తారా లేక?
నా పాత్ర స్ట్రాంగ్ గా ప్రత్యేకంగా అనిపిస్తే తప్పకుండా చేస్తా.
468304 833967This is a right blog for would like to find out about this topic. You realize a lot its almost challenging to argue along (not that I personally would wantHaHa). You in fact put the latest spin with a subject thats been discussed for a long time. Fantastic stuff, just fantastic! 122389
135033 940268Yay google is my king helped me to discover this fantastic site ! . 71842
841439 271237Bereken zelf uw hypotheek. Hypotheek berekenen? Maak snel een indicatieve berekening van het maximale leenbedrag van uw hypotheek. 912993