నామినేష‌న్ దాఖ‌లు చేసిన ప‌వ‌న్‌క‌ల్యాణ్

విశాఖ‌ప‌ట్నం: జ‌న‌సేన అధినేత ప‌వ‌న్ క‌ల్యాణ్ విశాఖ‌ప‌ట్నం జిల్లా గాజువాక అసెంబ్లీ అభ్య‌ర్థిగా గురువారం నామినేష‌న్ దాఖ‌లు చేశారు. పెద్ద సంఖ్య‌లో అభిమానులు, కార్య‌క‌ర్త‌లు ప‌వ‌న్ క‌ల్యాణ్‌కు బ్ర‌హ్మ‌రథం ప‌ట్టారు. ప‌వ‌న్ క‌ల్యాణ్ నామినేష‌న్ దాఖ‌లు చేసే స‌మ‌యంలో అభిమానులు రిట‌ర్నింగ్ అధికారి కార్యాల‌యం లోప‌లికి వెళ్లేందుకు ప్ర‌య‌త్నించారు. దీంతో పోలీసుల‌కు-అభిమానుల‌కు వాగ్వాదం చోటు చేసుకుంది. ప‌రిస్థితిని అదుపులోకి తెచ్చేందుకు పోలీసులు లాఠీఛార్జ్ చేశారు.
నామినేషన్‌ అనంతరం ఆయన గాజువాక, భీమునిపట్నం, విశాఖ సౌత్‌ నియోజకవర్గాల్లో జరగబోయే మూడు ఎన్నికల ప్రచార సభల్లో పాల్గొననున్నారు. ఈ ఎన్నిక‌ల్లో రెండు చోట్ల నుంచి పోటీ చేస్తున్న ప‌వ‌న్‌క‌ల్యాణ్ భీమవరం నియోజకవర్గంలో శుక్రవారం మ‌రో నామినేషన్‌ వేయనున్నారు.