యువజన శ్రామిక రైతు కాంగ్రెస్ పార్టీ 2024 ఎన్నికల్లో ఓడిపోతే.? రాజకీయాలన్నాక గెలుపోటములు సహజం. కాంగ్రెస్, బీజేపీ వంటి జాతీయ పార్టీలకే ఓటములు తప్పలేదు. తెలుగుదేశం పార్టీ ఎన్నో ఓటములు చవిచూసింది.. గెలుపోటములకు అతీతంగా నిలబడాల్సి వుంటుంది. సరే, ఇప్పుడున్న రాజకీయాల్లో నిలదొక్కుకోవడం అనేది కూడా ఓ దిక్కుమాలిన కళ.. అది వేరే విషయం.
అసలు విషయానికొస్తే, 2024 ఎన్నికల్లో వైసీపీ ఓడిపోవడం ఖాయమనే నమ్మకానికి వచ్చేంది వైసీపీ అనుకూల మీడియా. ఔను, వైసీపీ పెంచి పోషిస్తోన్న ‘బులుగు మీడియా’ వైసీపీ ఓడిపోతుందన్న భయంతో వణికి ఛస్తోంది.! రాజకీయాల్లో ఏమైనా జరగొచ్చు. 2024 ఎన్నికల్లో వైసీపీ ఓడిపోవచ్చు.. ఆ తర్వాత మళ్ళీ పుంజుకుని 2029 ఎన్నికల్లో సత్తా చాటొచ్చు. లేదంటే, మళ్ళీ వైసీపీనే 2024 ఎన్నికల్లో గెలవొచ్చు కూడా.
వైసీపీ ఓడిపోతే ఏమవుతుంది.? ఎట్టిపరిస్థితుల్లో వైసీపీ ఓడిపోవడానికి వీల్లేదు.. అని వైసీపీ అనుకూల మీడియా బలంగా కోరుకుంటోంది.. కోరుకోవాలి కూడా.! లేదంటే, ఆ మీడియా సంస్థలకి కూడు దొరకదు. ఔను, వైసీపీ అనుకూల మీడియా బతుకున్నదే ఎంగిలి కూడు.. రక్తపు కూడు.. అన్నట్టు తయారైంది పరిస్థితి. గతంలో టీడీపీ అనుకూల మీడియా పరిస్థితీ ఇదే అయినా, మరీ ఇంత ఛండాలమైతే కాదు.
అందుకే, ‘వైసీపీ గనుక అధికారంలోకి రాకపోతే మా బతుకు బస్టాండే..’ అన్న విషయాన్ని సదరు వైసీపీ అనుకూల మీడియా సంస్థలు చెప్పకనే చెప్పేస్తున్నాయి. వైసీపీ ఓడిపోతే, ఆ పార్టీని రాజకీయ ప్రత్యర్థులు ఎలా నామరూపాల్లేకుండా చేసేస్తారో వర్ణిస్తున్నాయి. వైఎస్ జగన్ గొప్పగా బటన్ నొక్కుతున్నారు.. ఆయన అంతకన్నా ఏం చెయ్యగలరు.? కెప్టెన్ బాగానే వున్నారు.. కానీ, ఆటగాళ్ళే సరిగ్గా ఆడటంలేదు.. అంటూ సన్నాయి నొక్కులు నొక్కుతోంది బులుగు మీడియా.
బులుగు మీడియాని మాత్రమే విశ్వసించే వైసీపీ నేతలు కొందరు, ‘అంటే, మా రాజకీయ జీవితం సమాధి అయిపోతుందన్నమాట వైసీపీలో వుంటే..’ అనుకుంటే, వేరే దారి చూసుకునేందుకు సిద్ధమవుతున్నారు.
Antha Seen ledu Malli YSRCP Win avthundi 💯 kayam Tdp pack up in 2024 Elections
Entha seen undi..bayataku vachhi ennallu aindi nuvvu…Ela win avuthundi….pathakalu …win chepinchavu….dabbu pettina…geliche paristithulu….levvu….2024 Lo…tappadu votami idi kachhitham….nitya avasara dharalanu…maintain cheyyaleni…..govt unte enthaa….pothe enthaaa….chetta governament ……dolla anthaa …dolla