నవరత్నాలే కాదండోయ్.! పదో రత్నం కూడా వుంది. అదే బూతు రత్నం. కేవలం మీడియా ముందర మాత్రమే బూతు పంచాంగం అనుకుంటున్నారా.? బహిరంగ సభలకే బూతుల్ని పరిమితం చేస్తున్నారని చింతిస్తున్నారా.? అందుకే, గడప గడపకీ ‘బూతు’ పథకాన్ని వైసీపీ నేతలు తీసుకెళుతున్నారు.
అయినా, ఎవరు తక్కువ తిన్నారని.? అధికార వైసీపీకి ధీటుగా ప్రతిపక్షం తెలుగుదేశం పార్టీ కూడా బూతు పంచాయితీని ఫాలో అవుతోంది. ఈ నేపథ్యంలోనే, మరింతగా జనాల్లోకి బూతు రత్నాన్ని తీసుకెళ్ళేందుకు వైసీపీ సిద్ధమయినట్లు కనిపిస్తోంది.
తాజాగా, వైసీపీ నేత ద్వారంపూడి చంద్రశేఖర్ రెడ్డి, తనకు పెన్షన్ రావడంలేదంటూ కన్నీరు మున్నీరవుతున్న ఓ వృద్ధుడ్ని పట్టుకుని, ‘దొబ్బెయ్..’ అనేశారు. ‘మా భాషలో దానర్థం వెళ్ళమని.. అంతే తప్ప, అది బూతు కాదు.’ అని రేప్పొద్దున్న ద్వారంపూడి నుంచి వివరణ వచ్చినా ఆశ్చర్యపోవాల్సిన పనిలేదు.
రాష్ట్ర వ్యాప్తంగా ‘గడప గడపకీ మన ప్రభుత్వం..’ పేరుతో వైసీపీ ప్రజా ప్రతినిథులు, ప్రజల వద్దకు వెళుతున్నారు. వీళ్ళసలు ప్రజా ప్రతినిథులేనా.? వీళ్ళనెందుకు జనం తరిమికొడుతున్నారు.? అన్న ప్రశ్న తలెత్తుతోందంటే, ఆ స్థాయిలో ప్రజా ప్రతినిథులు ప్రజా వ్యతిరేకతను ఎదుర్కొంటున్నారు మరి.!
ముఖ్యమంత్రి మాత్రం, బహిరంగ సభలకు పరిమితమవుతున్నారు. వైసీపీ ప్రజా ప్రతినిథుల్ని మాత్రం, జనంలోకి వెళ్ళమంటున్నారు అధినేత. దాంతో, ప్రజా ప్రతినిథులకు చీవాట్లు తప్పడంలేదు. ఈ క్రమంలో అధినేత మీద చూపించాల్సిన అసహనం కాస్తా, తమకు ఓట్లేసి గెలిపించిన జనం మీద వైసీపీ ప్రజా ప్రతినిథులు చూపిస్తున్నారన్నమాట.
‘మా భూముల్ని కబ్జా చేసింది మీరే..’ అంటూ ఓ వైసీపీ ఎమ్మెల్యే మీద జనం తిరగబడితే, ‘ఎన్నికల్లో ఇచ్చిన హామీలేమయ్యాయ్.?’ అంటూ ఇంకో చోట వైసీపీ ఎమ్మెల్యేని జనం నిలదీస్తున్నారు. పెన్షన్లు పీకేశారని కొందరు, రోడ్లు బాగాలేవని మరికొంతమంది.. ఇలా ఎక్కడికక్కడ వైసీపీ నేతలకు నిలదీతలు ఎదురవుతున్నాయి.
ఈ నేపథ్యంలోనే అసహనానికి గురవుతున్న వైసీపీ ప్రజా ప్రతినిథులు, బూతు రత్నాన్ని తెరపైకి తెస్తున్నారు.
513011 297012A quite quite intriguing write-up! Ill try to track that continues here! Thank you. 497729
615416 990927What web host are you the use of? Can I get your associate link in your host? I desire site loaded up as quickly as yours lol 59659
677729 677050Thanks for this amazing post! It has long been quite helpful. I wish that youll carry on posting your wisdom with us. 168987