‘కార్లన్నాడు.. పెళ్ళాలన్నాడు.. ఇంట్లో ఇల్లాలన్నాడు.. భార్యలన్నాడు.. నోటికి ఏదొస్తే అది.. నోటికొచ్చినట్లు వాగేశాడు. ఇప్పుడు ఫలితం అనుభవిస్తున్నాడు. చివరికి నాలుగో పెళ్ళాం అయి కూర్చున్నాడు..’ ఇదీ వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి గురించి, ఆఫ్ ది రికార్డుగా వైసీపీ నాయకులే వాపోతున్న తీరు.
పైకి గట్టిగా అనలేరు.! అందుకే, లోలోపల గింజుకుంటున్నారు. తమలో తాము రగిలిపోతున్నారు. వైసీపీ అభిమానులైతే, నోరెత్తలేకపోతున్నారు.! ఇదంతా ‘నాలుగో పెళ్ళాం’ ఎఫెక్ట్.!
తెగేదాకా లాగితే ఏమవుతుంది.? ఇదిగో, నాలుగో పెళ్ళాం అయి.. మూలన కూర్చోవాల్సి వస్తుంది.! ప్యాకేజీ స్టార్.. దత్త పుత్రుడు.. ఇలా పవన్ కళ్యాణ్ మీద ముఖ్యమంత్రి వైఎస్ జగన్ మోహన్ రెడ్డి చేసిన రాజకీయ విమర్శలు అన్నీ ఇన్నీ కావు.
సరే, ప్యాకేజీ స్టార్.. అదో లెక్క. దత్త పుత్రుడన్నమాట సబబు కాదుగానీ, అదీ సరిపెట్టుకోవచ్చు.. దిక్కుమాలిన రాజకీయాలు కదా.. దిగిజారుడు విమర్శ.. అని సరిపెట్టుకోవచ్చు.
కానీ, ‘హైద్రాబాద్‌లో ఇల్లు.. కానీ, ఆ ఇంట్లో ఇల్లాలు మూడేళ్ళకోసారి మారిపోతుంది..’ అనడమేంటి.? ‘కార్లు మార్చినట్లు భార్యల్ని మార్చుతాడు..’ అనడమేంటి.? ‘నలుగురు నలుగురు పెళ్ళాలు..’ అని విమర్శించడమేంటి.?
నిన్ను కన్నది ఓ ఆడది.! ఆమె కూడా ఇంకొకరికి భార్య. ఆమెను పెళ్ళాం అంటే బావుంటుందా.? ఈమాత్రం ఇంగితం లేకుండా, వైఎస్ జగన్ మోహన్ రెడ్డి ఎలా ముఖ్యమంత్రి అయిపోయారు.? అలాంటి వ్యక్తిని ఎలా జనం ముఖ్యమంత్రి పదవిలో కూర్చోబెట్టారు.? ఈ విషయాలన్నీ చర్చనీయాంశమవుతున్నాయిప్పుడు.
‘ముఖ్యమంత్రిని పట్టుకుని పెళ్ళాం.. అంటావా.?’ అంటూ వైసీపీ గుస్సా అవుతోంది.! విపక్ష నేతను పట్టుకుని, ‘దత్త పుత్రుడు’, ‘ప్యాకేజీ స్టార్’ అనడం సబబా.? ఓ రాజకీయ పార్టీ అధినేత భార్య మీద ‘పెళ్ళాం’ అనే కామెంట్ ఎలా పాస్ చేస్తావ్.?
పవన్ కళ్యాణ్ గట్టిగానే అడిగారు.. అదీ, వైఎస్ జగన్ సతీమణి భారతి గార్ని.! ‘మేడమ్ భారతిగారూ.. మీ భర్త, మా ఇంట్లోని ఆడవాళ్ళపై పెళ్ళాలనే కామెంట్ చేస్తున్నారు. మేం, మిమ్మల్ని అలా అంటే బాగోదు కదా..’ అంటూ పవన్ కళ్యాణ్ వ్యాఖ్యానించడాన్ని ఎవరు మాత్రం తప్పు పట్టగలరు.?
వైసీపీ క్యాడర్ ఇప్పుడు ఏడ్చి ఉపయోగం లేదు. వైసీపీ నేతలు ఇప్పుడు బుకాయించి లాభం లేదు.! కంట్రోల్ చేయడానికి వీల్లేనంతగా వైఎస్ జగన్ ఇమేజ్ డ్యామేజ్ అయిపోయింది.! ‘నాలుగో పెళ్ళాం’ అనే మాట, రాజకీయాల్లో ఇంతవరకు ఏ రాజకీయ ప్రముఖుడూ పడలేదు. అందునా, ముఖ్యమంత్రి పదవిలో వున్న వ్యక్తికి.. ఇది ఏమాత్రం జీర్ణించుకోలేని పరిస్థితి. చేసుకున్నోడికి చేసుకున్నంత.!
ఇక్కడితో ఆగితే మంచిదే.! లేదూ, వైఎస్ జగన్ ఇంకా చెలరేగిపోతే, ఆ తర్వాత పవన్ కళ్యాణ్ నోటి నుంచి ఇంకెంత తీవ్రమైన మాటలు వస్తాయో.! అవి విన్నాక వైసీపీ క్యాడర్ ఇంకేమైపోతుందో.!