ఇసుక పేరు చెప్పి రాజకీయ నాయకులు కోట్లు దండుకోవడం కొత్తేమీ కాదు. ఏ పార్టీ అధికారంలో వున్నాసరే, ఇసుక నుంచి ‘తైలం’ వచ్చేస్తుంటుంది. వైఎస్ రాజశేఖర్రెడ్డి హయాంలో ఈ ‘తైలం’ తీసే కార్యక్రమాన్ని కనుగొన్నారు, దాన్ని విస్తృతంగా ప్రచారంలోకి తెచ్చారు. ఇక, చంద్రబాబు హయాంలో ఇసుక కుంభకోణాల గురించి ఎంత చెప్పుకున్నా తక్కువే.
ఏ ఇసుక పేరుతో అయితే అప్పట్లో చంద్రబాబు సర్కార్పై వైఎస్ జగన్ ఆరోపణలు చేశారో, ఇప్పుడు ముఖ్యమంత్రి స్థానంలో వైఎస్ జగన్ అలాంటి విమర్శల్నే ఎదుర్కోవాల్సి వస్తోంది. అయితే, ‘ఇసుక పాపం అంతా ఆ దేవుడిదే’ అంటోంది వైఎస్ జగన్ సర్కార్. ఇసుక కొరత కారణంగా భవన నిర్మాణ రంగ కార్మికులు ఆత్మహత్యలకు పాల్పడుతోంటే, ‘మాకేంటి సంబంధం.?’ అని అధికార పార్టీ నిర్లక్ష్య పూరిత వ్యాఖ్యలు చేస్తోంది.
‘ఇసుకలో అవినీతిని లేకుండా చేయగలిగాం..’ అని తాజాగా అధికారులతో సమీక్ష సందర్భంగా వైఎస్ జగన్ వ్యాఖ్యానించేశారు. రాష్ట్రంలో ఇసుక దోపిడీ గురించి సాక్షాత్తూ అధికార పార్టీ ఎమ్మెల్యే కోటంరెడ్డి శ్రీధర్రెడ్డి గుస్సా అయ్యారు. గుంటూరు జిల్లాకు చెందిన ఓ ఎంపీ – ఎమ్మెల్యే మధ్య ఇసుక వాటాల వ్యవహారం అప్పట్లో పెద్ద రచ్చకు దారి తీసింది. మొత్తం పదమూడు జిల్లాల్లోనూ అధికార పార్టీ నేతలపై ఇసుక ఆరోపణలు వెల్లువెత్తుతున్నాయి. అయినా, అవినీతికి ఆస్కారమే లేదంటున్నారు వైఎస్ జగన్.
ఆయన ‘లేదు’ అంటే, అందరూ ‘లేదు’ అనుకోవాలేమో.! కొత్త ఇసుక పాలసీ తీసుకురావడానికి మూడు నెలల సమయం ఇసుక అమ్మకాలకి ఆస్కారం లేకుండా చేసిన వైఎస్ జగన్ సర్కార్, దొడ్డిదారిన ఇసుక బ్లాక్ మార్కెట్లోకి తరలిపోతున్నా చూసీ చూడనట్లు వ్యవహరించింది.
ఇప్పుడేమో, కొత్త పాలసీ అమల్లోకి వచ్చాక కూడా అదే పరిస్థితి. తప్పులు తమ నెత్తి మీద స్పష్టంగా కన్పిస్తోంటే, అబ్బే.. అదంతా వరదల పాపం అని వైఎస్ జగన్ సర్కార్ చెబుతుండడం హాస్యాస్పదం కాక మరేమిటి.? పొరుగు రాష్ట్రాలకు ఇసుక అక్రమంగా తరలిపోతున్న మాట వాస్తవం. ఆ లెక్కన వైఎస్ జగన్ ఆంధ్రప్రదేశ్కి ముఖ్యమంత్రా.? పొరుగు రాష్ట్రాల కోసం ఆయన పనిచేస్తున్నారా.? అన్న విమర్శలకు అధికార పార్టీ ఏం సమాధానం చెబుతుంది.!
171331 574452There is noticeably a bundle to understand about this. I assume you created specific nice points in functions also. 835120
220479 768208Wow, suprisingly I never knew this. Keep up with very good posts. 253080
816975 418343Fantastic post, I conceive weblog owners should acquire a lot from this internet weblog its real user pleasant. 843040
270119 787949There is noticeably a bundle to know about this. I assume you made certain nice points in features also. 975543
674120 542615But wanna remark that you have a extremely decent internet site , I adore the design it truly stands out. 579390