‘శరవేగంగా పోలవరం ప్రాజెక్టుని పూర్తి చేసేందుకు సంకల్పించిన వైఎస్ జగన్ ప్రభుత్వం. జాతీయ ప్రాజెక్టు గనుక, కేంద్రమే పూర్తిస్థాయి నిధులు ఇవ్వాల్సి వున్నా.. రాష్ట్ర అవసరాల నేపథ్యంలో ప్రభుత్వం ప్రత్యేక చొరవ చూపుతోంది.. 2022 నాటికి పోలవరం ప్రాజెక్టు పూర్తయి తీరుతుంది..’ అంటూ బులుగు ప్రచారం బీభత్సంగా జరుగుతోంది.
స్పిల్ వే ఛానల్ పూర్తి చేయడానికి సంబంధించి, కఫర్ డ్యామ్ వ్యవహారాలకు సంబంధించి, జల విద్యుత్ కేంద్రానికి సంబంధించి.. రకరకాల ‘వివరాలతో’ అధికార వైసీపీ అనుకూల.. అధికారిక మీడియాలో పేద్ధ కథనం ప్రచురితమైంది. పునరావాసం విషయంలోనూ అస్సలేమాత్రం అలసత్వం లేదట. భేష్.! ఇలాగైతే, పోలవరం ప్రాజెక్టు విషయమై ఎవరూ ఆందోళన చెందాల్సిన అవసరం లేదు.. ముంపు బాధితులతో సహా. 2022 నాటికే ప్రాజెక్టు పూర్తయిపోతుందట. అదే గనక జరిగితే, అంతకన్నా కావాల్సిందేముంది.?
ఎప్పుడో బ్రిటిష్ హయాంలో ఈ ప్రాజెక్టు ఆలోచన తెరపైకొచ్చింది. స్వాతంత్ర్యం దేశానికైతే వచ్చిందిగానీ, పోలవరం ప్రాజెక్టు పనులు ప్రారంభమవడానికి చాలా దశాబ్దాలే పట్టింది. ప్రాజెక్టు పనులు ప్రారంభమయి పూర్తవడానికీ.. దశాబ్దాల సమయం పడుతోంది. అంతా బాగానే వుందిగానీ, కేంద్రం నుంచి నిధులు రాకుండా పోలవరం ప్రాజెక్టు పనులు ఎలా పూర్తవుతాయబ్బా.? ఇదే అసలు సిసలు ప్రశ్న. కేంద్రం, పోలవరం ప్రాజెక్టుకి సహకరించడంలేదని రాష్ట్ర ప్రభుత్వ పెద్దలే చెబుతున్నారు. రాష్ట్ర ప్రభుత్వం ఖర్చు చేసిన నిధుల్ని కేంద్రం రీ-ఎంబర్స్ చేయడంలేదని సాక్షాత్తూ ఆర్థిక మంత్రి కొన్నాళ్ళ క్రితం సెలవిచ్చారు. మరెలా పోలవరం ప్రాజెక్టు 2022 నాటికి పూర్తవుతుంది.? ముంపు బాధితులేమో.. తమకు ప్రభుత్వం పునరావాసం కల్పించలేదంటూ కంటతడిపెడుతున్నారు.
గోదావరికి వరదొస్తే చాలు.. ముంపు బాధితులు నరకాన్ని చూస్తున్నారు. పునరావాసం కోసం ఏర్పాటు చేసిన కాలనీల్లో మౌళిక సౌకర్యాల్లేవు.. అక్కడ ప్రజలు నివసించడానికి పరిస్థితులు అనుకూలంగా లేవు. చెప్పే మాటలకీ, చేసుకుంటున్న ప్రచారానికీ అస్సలేమాత్రం పొంతన లేకపోవడం అనేది చంద్రబాబు హయాంలో చూశాం. అంతకు మించిన పబ్లిసిటీ పైత్యం ఇప్పుడు చూస్తున్నాం. మొన్న పులిచింతల ప్రాజెక్టు గేటు కొట్టుకుపోయినట్లుగా.. పోలవరం ప్రాజెక్టు పనులు కూడా ‘మమ’ అనిపించేస్తారేమోనన్న భయాలు రాష్ట్ర ప్రజలకు కలగడంలో వింతేమీ లేదు. ఎందుకంటే, పబ్లిసిటీ ఆ స్థాయిలో జరుగుతోంది.. పనులు కూడా అదే స్థాయిలో ‘వీక్’గా వుంటాయ్ కదా మరి.?
667251 104088Hi there! Very good post! Please do tell us when I could see a follow up! 106009
241971 248802This is the suitable blog for anybody who needs to seek out out about this topic. You notice so a lot its virtually laborious to argue with you (not that I really would wantHaHa). You undoubtedly put a brand new spin on a subject thats been written about for years. Excellent stuff, just fantastic! 72080