విశాఖపట్నం నగరంలో కొద్ది రోజుల క్రితం చోటుచేసుకున్న పెను దుర్ఘటన దేశవ్యాప్తంగా ప్రకంపనలు సృష్టించింది. అదే ఎల్జీ పాలిమర్స్ పరిశ్రమలో విషవాయువు లీకేజ్. ఆ ఘటనలో 12 మంది చనిపోయారు. ఈ లెక్క 15 దాటిందని విపక్షాలు అంటున్నాయి. మృతుల కుటుంబాలకు కోటి చొప్పున పరిహారం ప్రకటించింది వైఎస్ జగన్ సర్కార్. తాజాగా ఈ ఘటనకు సంబంధించి హై పవర్ కమిటీ నివేదిక ప్రభుత్వానికి అందింది. నివేదికలో, ప్లాంట్ యాజమాన్యం నిర్లక్ష్యం కారణంగానే ప్రమాదం జరిగినట్లు తేలింది.
మరిప్పుడు, ప్రభుత్వం ఏం చేయబోతోంది.? నిజానికి, ఈ తరహా ప్రమాదాల్ని అత్యంత ప్రత్యేకమైన దృష్టితో చూడాల్సి వుంటుంది. విషవాయువు ప్రభావం అక్కడ ఎన్నేళ్ళు వుంటుంది.? అన్నదానిపై పరిశోధనలు జరగాలి. ఆ దిశగా అన్ని చర్యలూ తీసుకుంటోందని ప్రభుత్వం చెబుతున్నా, స్థానికుల్లో మాత్రం ఆందోళన తొలగడంలేదు. ప్రమాదం జరిగాక, ముఖ్యమంత్రి హుటాహుటిన విశాఖపట్నం వెళ్ళారుగానీ, తొలుత బాధితుల్ని కలవకుండా.. ముందుగా పరిశ్రమకు సంబంధించినవారితో మంతనాలు జరిపారంటూ విపక్షాలు విమర్శలు చేసిన విషయం విదితమే.
మరోపక్క, పరిశ్రమలో ప్రమాదానికి కారణమైన ‘రసాయనం’ విదేశాలకు తరలిపోవడంపైనా ఆరోపణలు వున్నాయి. కాగా, నేషనల్ గ్రీన్ ట్రిబ్యునల్, ఎల్జీ పాలిమర్స్ సంస్థకు తక్షణ జరీమానా కింద 50 కోట్లు చెల్లించాలని ఆదేశించడం తెల్సిన విషయమే. ఇప్పుడు హై పవర్ కమిటీ నివేదిక వచ్చింది గనుక, సంస్థపై ప్రభుత్వం తీసుకునే చర్యలు ఎలా వుంటాయన్నది ఆసక్తికరంగా మారింది. ప్లాంట్ని అక్కడి నుంచి వేరే చోటకి తరలించే అవకాశాలు వున్నట్లుగా ప్రచారం జరుగుతోంది. ప్రభుత్వం ఈ దిశగా సమాలోచనలు చేస్తోందన్నది ఆ ప్రచారం తాలూకు సారాంశం.
స్థానిక ప్రజానీకం కూడా పరిశ్రమ అక్కడ వుండకూడదనే కోరుతోంది. ప్లాంట్ ఎక్కడికి వెళుతుంది.? అన్న విషయాన్ని పక్కన పెడితే, 12 మంది మృతికి, ఆ ప్రాంతం కలుషితం కావడానికీ కారణమైన ఎల్జీ పాలిమర్స్ సంస్థపై కఠినమైన చర్యలు తీసుకోవాల్సిందే. భారీ జరీమానాలు విధించి, అందులోంచి మరింత పరిహారాన్ని బాధితులకు అందించాలనే డిమాండ్లు వస్తున్నాయి.
ఎల్జీ పాలిమర్స్ అనే కాదు, ఆ తర్వాత విశాఖలో సాయినార్స్ అనే సంస్థలో ప్రమాదం జరిగింది. కర్నూలు జిల్లాలోనూ ఓ పరిశ్రమలో ప్రమాదం చోటు చేసుకుంది. ఈ తరహా ప్రమాదాలు ఇకపై జరగకూడదంటే నిబంధనలు మరింత ఖచ్చితత్వంతో అమలు చేయాల్సి వుంటుంది. ‘ఇంకో ప్రమాదం జరగనివ్వబోం’ అనే భరోసా ఇవ్వాల్సిన బాధ్యత పూర్తిగా ప్రభుత్వం మీదనే వుంది.
346136 548915I think this web site has got some really exceptional info for everyone : D. 928315