‘ఛైర్మన్ పదవి అయితే రెడ్డికి.. ప్యూన్ పదవి అయితే బీసీ, ఎస్సీ, ఎస్టీ సహా ఇతర కులాలకి.. ఇదేనా అన్ని కులాల్నీ సమ భావనతో చూస్తామని చెప్పడమంటే..’ అంటూ వైసీపీ ఎంపీ రఘురామకృష్ణరాజు, ఆంధ్రప్రదేశ్ ప్రభుత్వంపై సంచలన ఆరోపణలు చేశారు. ‘ఒకటే కులం..’ అంటే, అన్ని కులాల్నీ ఒకేలా చూడమని తప్ప, ఒకే కులానికి చెందినవారిని అందలమెక్కించడం కాదు ముఖ్యమంత్రిగారూ.. అంటూ ముఖ్యమంత్రి వైఎస్ జగన్ మోహన్రెడ్డిపై సెటైర్లు వేశారు నర్సాపురం ఎంపీ.
వైసీపీ సోషల్ మీడియా విభాగం ఇన్ఛార్జి, ఏపీ ప్రభుత్వం చీఫ్ డిజిటల్ డైరెక్టర్గా పనిచేస్తున్న గుర్రంపాటి దేవేందర్రెడ్డి, తన విగ్గుపై సెటైర్లు వేయడాన్ని తప్పుపడుతూ, చీఫ్ సెక్రెటరీకి రఘురామకృష్ణరాజు ఫిర్యాదు చేసిన విషయం విదితమే. తన ఫిర్యాదుపై సానుకూలంగా స్పందించకపోతే, పార్లమెంటు సభ్యుడిగా తాను ప్రివిలేజ్ కమిటీకి ఫిర్యాదు చేయాల్సి వస్తుందనీ హెచ్చరించారు.
ఇక, తాజాగా ఈ రోజు మీడియా ముందుకొచ్చిన రఘురామకృష్ణరాజు, తన విగ్గుపై దేవేందర్రెడ్డి చేసిన ఆరోపణలకు స్పందిస్తూ, ‘నేను నిలబడితే, నా బొడ్డు దగ్గరకి వచ్చేంత హైట్ కూడా లేని పొట్టోడివి.. నీకు నా నెత్తి మీద విగ్గు ఎలా కన్పించింది.? అయినా, అది నా ఇష్టం.. ఆ బొచ్చు గొడవ నీకెందుకు.? కన్పించే బొచ్చు గురించీ.. కనిపించని బొచ్చు గురించీ..’ అంటూ రాజుగారు ఓ రేంజ్లో మండిపడ్డారు దేవేందర్రెడ్డి మీద.
అయితే, రాజుగారి సెటైర్ కేవలం దేవేందర్ రెడ్డి మీదనేనా.? ఇంకే ప్రముఖ ‘రెడ్డి’ మీద అయినా ఆయన మండిపడ్డారా.? ఏమోగానీ, మెజార్టీ పదవులు కేవలం రెడ్డి సామాజిక వర్గానికే దక్కుతున్నాయనీ, ‘పనికిమాలినోళ్ళు’ చాలామంది పదవులు దక్కించుకుంటున్నారనీ, కుల మతాలకతీతంగా అలాంటి పనికిమాలినోళ్ళని తప్పించాలనీ ముఖ్యమంత్రికి సూచించారు రఘురామకృష్ణరాజు.
మొత్తమ్మీద, ‘బొచ్చుల నాయకత్వం’ అంటూ మొదలైన వివాదం ఇప్పుడు ముదిరి పాకాన పడింది. ‘వైసీపీలో నేనుండడం మీకు ఇష్టం లేకపోతే, నన్ను పార్టీ నుంచి సస్పెండ్ చేయండి. నేను వైసీపీలోనే వుండాలనుకుంటున్నాను కాబట్టి, పార్టీలోనే వున్నాను..’ అంటూ చిత్ర విచిత్రమైన లాజిక్కులు మాట్లాడుతున్నారు నర్సాపురం ఎంపీ.
అన్నట్టు, ‘ఈ కుల రాజకీయాలు మీరు చేస్తున్నారని నేను అనుకోను. కానీ, మీ చుట్టూ వున్న కోటరీలో అందరూ రెడ్డి సామాజిక వర్గానికి చెందినవారే.. వారి కులగజ్జి కారణంగానే ఈ దుస్థితి..’ అంటూ రఘురామ తనదైన స్టయిల్లో వ్యాఖ్యానించారు.
763934 827312Possible demand all types of led tourdates with some other fancy car applications. A lot of also provide historic packs and other requires to order take into your lending center, and for a holiday in upstate New York. ??? 613556