శ్రీముఖి వీడియోలెందుకుకు చూపించలేదు నాగార్జున ‘గారూ’.!

బిగ్‌బాస్‌ హౌస్‌లో జరుగుతున్నదొకటి.. జనానికి చూపించేది ఇంకొకటి. హౌస్‌ నుంచి ఎలిమినేట్‌ అయిన చాలామంది చెప్పిన మాట ఇది. ఫస్ట్‌ సీజన్‌, రెండో సీజన్‌లోనూ ఇదే తరహా ఆరోపణలు వచ్చాయి. ఇప్పుడు మరీ ఎక్కువగా వస్తున్నాయి. కానీ, బిగ్‌బాస్‌ నిర్వాహకుల తీరు మారడంలేదు. హోస్ట్‌ మాత్రం ఏం చేయగలడు.? అంతా అక్కడ బిగ్‌బాస్‌ స్క్రిప్టింగ్‌ ప్రకారమే నడుస్తుంది. నిన్నటి ఎపిసోడ్‌లో పునర్నవి భూపాలంకి సంబంధించి కొన్ని వీడియోలు చూపించాడు నాగార్జున. పునర్నవి పేరుతో తిట్ల కోచింగ్‌ సెంటర్‌ పెట్టుకోవాలేమోనంటూ నాగ్‌ వేసిన సెటైర్‌, ‘పునర్నవి పాంథర్స్‌’కి ఒళ్ళు మండేలా చూసింది. ‘

నాగార్జునగారూ, శ్రీముఖి తాలూకు వీడియోలు చూపించరెందుకు.?’ అంటూ పునర్నవి అభిమానులే కాదు, రాహుల్‌ సిప్లిగంజ్‌ అభిమానులూ ప్రశ్నిస్తున్నారు. ఇతర కంటెస్టెంట్ల అభిమానులదీ అదే బాట. శ్రీముఖి ‘మిత్రభేదం’ పాటిస్తోందనీ, ఇద్దరి మధ్య గొడవల్ని క్యాష్‌ చేసుకుంటోందనీ నాగ్‌ ప్రస్తావించడంలో నిజముంది. ‘అబ్బే, నేనలా చేయలేదు..’ అని శ్రీముఖి బుకాయించినప్పుడు, ‘వీడియో చూస్తావా.?’ అని నాగ్‌ అడగకపోవడం గమనార్హం. మొదటి నుంచీ శ్రీముఖిని బిగ్‌హౌస్‌లో ‘సేవ్‌’ చేస్తూ వస్తున్నారు. అయితే, మాటలు నాగార్జునవి గనుక, నాగార్జున మీద శ్రీముఖి హేటర్స్‌ విరుచుకుపడటం మామూలే.

ఇక్కడ నాగార్జునని తప్పు పట్టడానికి ఏమీ లేదు. హౌస్‌లో కంటెస్టెంట్స్‌ బిహేవియర్‌ ఎలా వుంటుందో చూస్తున్నాం. దారుణంగా తిట్టుకుంటున్నారు.. ఏమన్నా అంటే అది ‘ఫన్‌’ అని సర్దుకుపోతున్నారు. తీరి ఎవరికన్నా ఒళ్ళు మండితే, ఆ తర్వాత అది సీరియస్‌ మేటర్‌ అయిపోయింది. ‘నువ్వు చేసింది తప్పు..’ అని ఏ కంటెస్టెంట్‌నీ హోస్ట్‌ కావొచ్చు, బిగ్‌బాస్‌ కావొచ్చు.. నిలదీయడానికి వీల్లేని పరిస్థితి. ఎందుకంటే, అంత చెత్తలా టాస్క్‌లు డిజైన్‌ చేస్తున్నారు. చెత్త టాస్క్‌లు, మళ్ళీ వాటి మీద చెత్త అనాలసిస్‌లు.. వాటి పేరుతో ఎలిమినేషన్లు.. మరీ, వ్యూయర్స్‌ని వెర్రి వెంగళప్పలుగా మార్చేస్తున్నట్లుంది బిగ్‌బాస్‌ తాజా సీజన్‌ తీరు.