కరోనా వైరస్ దెబ్బకి ఓ మనిషి స్వేచ్ఛగా ఓ చోట నుంచి ఇంకో చోటకి కదల్లేని పరిస్థితి ఏర్పడింది. లాక్డౌన్ నుంచి వెసులుబాట్లు లభిస్తున్నా.. జన జీవనం ఇప్పట్లో ఇదిరకటి సాధారణ స్థాయికి చేరుకునేలా కన్పించడంలేదు. ధైర్యంగా జనం ఇంట్లోంచి బయటకు అడుగు పెట్టలేకపోతున్నారు. కొందరు బాధ్యతారాహిత్యంగా రోడ్లెక్కుతున్నారనుకోండి.. అది వేరే విషయం. మరి, బాధ్యతగల ప్రభుత్వం ఏం చేయాలి.? సందట్లో సడేమియా.. అన్నట్టు ‘వికేంద్రీకరణ’ పేరుతో మూడు రాజధానుల ఏర్పాటు దిశగా పరుగులు పెడుతోంది.
వున్నపళంగా ఇప్పుడు రాష్ట్రానికి మూడు రాజధానుల అవసరం ఏమొచ్చింది.? అంటే, దానికి ‘అభివృద్ధి’ అనే ‘సాకు’ చూపిస్తోంది వైఎస్ జగన్ ప్రభుత్వం. ప్రభుత్వం ఓ విధానపరమైన నిర్ణయం తీసుకుంది. ఆ హక్కు ప్రభుత్వానికి వుంటుంది. కానీ, సమయం.. సందర్భం వుండాలి కదా.! చట్ట సభల్లో బిల్లు పెట్టి, పాస్ అయ్యిందనిపించుకుని.. శాసన మండలిలో రగడని లైట్ తీసుకుని.. గవర్నర్ ఆమోద ముద్రతో చట్టంగా మలచేసినా.. న్యాయస్థానాల్లో షాక్ తప్పలేదు.
దేశంలో మహారాష్ట్ర తర్వాత రోజువారీ అత్యధిక కేసులు ఆంధ్రప్రదేశ్లోనే నమోదవుతున్నాయి. ఈ లెక్కన, ఆంధ్రప్రదేశ్ ఎంత జాగ్రత్తగా వుండాలి.? కానీ, ఆ ‘బాధ్యత’ ప్రభుత్వ పెద్దల్లో వున్నట్లు కనిపించడంలేదు. అమరావతి నుంచి ఎగ్జిక్యూటివ్ క్యాపిటల్నీ, జ్యుడీషియల్ క్యాపిటల్నీ వేరు చేసెయ్యాలన్నది ప్రభుత్వ సంకల్పం. ‘మేం, అమరావతి స్థాయిని తగ్గించాలనుకోవడంలేదు.. అమరావతి అభివృద్ధిపై మాకు చిత్తశుద్ధి వుంది’ అని చెబుతూ, అమరావతి నుంచి.. కీలకమైన ఎగ్జిక్యూటివ్ క్యాపిటల్నీ, జ్యుడీషియల్ క్యాపిటల్నీ తరలించడాన్ని ఎలా అర్థం చేసుకోవాలి.?
పైగా, ఇప్పటికిప్పుడు విశాఖలో అవసరమైన సౌకర్యాలున్నాయా.? అంటే అదీ లేదు. కర్నూలు పరిస్థితి కూడా అంతే. హైకోర్టును కర్నూలులో ఇప్పటికిప్పుడు కట్టేయడం సాధ్యం కాదు. విశాఖలో ఎగ్జిక్యూటివ్ క్యాపిటల్ కూడా అంతే. కానీ, ముఖ్యమంత్రి వైఎస్ జగన్ ‘దూకుడు’ ప్రదర్శించాలనుకుంటున్నారు.. ఈ క్రమంలో హైకోర్టు మొట్టికాయలతో ప్రభుత్వం పదే పదే బొక్కబోర్లా పడాల్సి వస్తోంది.
తొలుత అమరావతిని అంతర్జాతీయ స్థాయి నగరంలా కాకపోయినా, ఓ మోస్తరు నగరంగా అభివృద్ధి చేసి చూపించి, ఆ తర్వాత ఆ మోడల్తో ఇంకో రెండు నగరాల్ని అభివృద్ధి చేస్తామంటూ వాటికి ‘రాజధాని మోడల్’ పేరు పెడితే.. దీన్ని ఎవరూ వ్యతిరేకించే పరిస్థితి వుండదు. మూడేంటి ఖర్మ.? ముప్ఫయ్ మూడు నగరాల్ని నిర్మిస్తామంటే ఎవరైనా అడ్డుకుంటారా.? ఈ చిన్న లాజిక్ ప్రభుత్వ పెద్దలు ఎందుకు విస్మరిస్తున్నారో.. అసలు సలహాదారు అనే వ్యవస్థ ఎందుకు సరైన రీతిలో ప్రభుత్వానికి సలహాలు ఇవ్వలేకపోతోందో.!
589627 585206I genuinely thankful to find this site on bing, just what I was seeking for : D too bookmarked . 501244