ఆంధ్రప్రదేశ్ రాజధాని అమరావతి అంటే అందరికీ చిన్నచూపే. ఆది నుంచి అమరావతి భ్రమరావతిలాగే మారిపోయింది. విభజన తర్వాత ఏపీకి అమరావతి ప్రాంతాన్ని రాజధానిగా ఎంపిక చేసినా.. ఎవరికీ పట్టని అనాథగా మిగిలిపోయింది. చివరకు కేంద్ర ప్రభుత్వం కొత్తగా విడుదల చేసిన భారత మ్యాప్ లో సైతం అమరావతి కనిపించడంలేదు. అంటే, కేంద్రం దృష్టిలో సైతం అమరావతి లేనట్టే అని అనుకోవాల్సిన పరిస్థితి కనిపిస్తోంది.
కొత్త రాష్ట్రం ఏర్పడిన తర్వాత పలు తర్జనభర్జనల అనంతరం విజయవాడ, గుంటూరు మధ్య మంగళగిరి పరిసర ప్రాంతాల్లో రాజధాని ఏర్పాటు చేస్తున్నట్టు అప్పటి సీఎం చంద్రబాబు ప్రకటించారు. ఆ ప్రాంతానికి అమరావతిగా నామకరణం చేశారు. ఎంతో అట్టహాసంగా శంకుస్థాపన సైతం నిర్వహించారు. ఆ కార్యక్రమానికి హాజరైన ప్రధాని మోదీ చెంబుడు నీళ్లు, గుప్పెడు మట్టి ఇచ్చి వెళ్లిపోయారు.
మరోవైపు రాజధాని నిర్మాణం కోసమంటూ రాష్ట్ర ప్రభుత్వం దాదాపు 33వేల ఎకరాలను సేకరించింది. దీనిని అప్పటి విపక్షం వైఎస్సార్ సీపీ గట్టిగా వ్యతిరేకించింది. రాజధాని పేరుతో రియల్ ఎస్టేట్ వ్యాపారం చేస్తున్నారంటూ టీడీపీపై ఆరోపణలు గుప్పించింది. అంతేకాకుండా ఇన్ సైడర్ ట్రేడింగ్ జరిగిందని విమర్శలు చేసింది. ఈ క్రమంలో అమరావతి నిర్మాణం నత్తనడకన సాగింది.
టీడీపీ పాలన ముగిసి, వైఎస్సార్ సీపీ అధికారంలోకి వచ్చిన తర్వాత మొత్తం అమరావతే పడకేసింది. ఎక్కడి నిర్మాణాలు అక్కడే ఆగిపోయాయి. రాజధానిని మార్చబోమంటూనే పరిపాలనా వికేంద్రీకరణ దిశగా వైసీపీ అడుగులు వేస్తోంది. ఈ నేపథ్యంలో అసలు ఏపీ రాజధాని అమరావతా.. కాదా? అసలు రాజధాని నిర్మాణం జరుగుతోందా? దానిని ఎక్కడికైనా మార్చేస్తున్నారా వంటి అనుమానాలు తీవ్రమయ్యాయి.
ఇదే సమయంలో కేంద్రం జమ్మూకాశ్మీర్ కి స్వతంత్ర ప్రతిపత్తి కల్పించే ఆర్టికల్ 370ని రద్దు చేస్తూ.. కాశ్మీర్ ను రెండు ముక్కలుగా విభజించింది. జమ్మూకాశ్మీర్, లడాఖ్ లను కేంద్ర పాలిత ప్రాంతాలుగా మార్చింది. దీంతో ఇప్పటివరకు దేశంలో ఉన్న 29 రాష్ట్రాలు 28 అయ్యాయి. 7 కేంద్ర పాలిత ప్రాంతాలు కాస్తా 9 అయ్యాయి. ఈ నేపథ్యంలో భారతదేశ కొత్త పొలిటికల్ మ్యాప్ ను కేంద్రం తాజాగా విడుదల చేసింది.
అందులో ప్రతి రాష్ట్రం పేరును దాని రాజధాని ప్రాంతంతో సహా పేర్కొంది. అయితే, ఏపీ విషయానికి వచ్చేసరికి రాజధాని పేరు ప్రచురించలేదు. కేవలం ఆంధ్రప్రదేశ్ అని మాత్రమే చూపించారు. అంటే ఏపీ రాజధాని అమరావతా కాదా అనే సందేహం కేంద్రానికి కూడా వచ్చినట్టుంది. దీనిపై పలువురు మండిపడుతున్నారు. అన్ని అంశాల్లోనూ ఏపీకి అన్యాయం చేసిన కేంద్రం.. చివరకు ఏపీకి రాజధాని కూడా లేకుండా చేశారని విమర్శిస్తున్నారు. ఈ విషయంపై అధికార వైఎస్సార్ సీపీ ఎలా స్పందిస్తుందో చూడాలి.
782128 838811Excellent post man, keep the nice function, just shared this with the friendz 598392
7265 255695Satisfying posting. It would appear that lots of the stages are depending upon the originality aspect. Its a funny thing about life should you refuse to accept anything but the most effective, you really often get it. by W. Somerset Maugham.. 198340
437114 527799Numerous thanks for this certain information I was basically browsing all Search engines to discover it! 984190
961144 958455Hi. Thank you for producing this website . I m working on betting online niche and have located this site employing search on bing . Will be sure to look far more of your content . Gracias , see ya. :S 814250