‘వేర్ ఈజ్ కేసీఆర్..’ అంటూ చాలామంది నెటిజన్లు ప్రశ్నిస్తున్నారు.. తెలంగాణ ముఖ్యమంత్రి కేసీఆర్, తెలంగాణలో కరోనా వైరస్ వ్యాప్తి పట్ల నిర్లక్ష్యంగా వున్నారన్న ఆరోపణలు వెల్లువెత్తుతున్న విషయం విదితమే. గత కొద్ది రోజులుగా తెలంగాణలో అనూహ్యంగా పెరుగుతున్న పాజిటివ్ కేసులే ఇందుకు నిదర్శనం. కరోనా అనుమానితులు, కరోనా పాజిటివ్గా తేలినవారు.. వైద్యం విషయమై తీవ్ర గందరగోళానికి గురవుతున్నారు. ‘పలు ఆసుపత్రులు తిరిగి, వైద్యం అందక ప్రాణాలు కోల్పోయిన వైనం..’ అంటూ మీడియాలో నిత్యం కథనాలు దర్శనమిస్తుండడంతో, తెలంగాణ ప్రభుత్వంపై అనుమానాలు పెరిగిపోతున్నాయి.
ఇక, గచ్చిబౌలి స్టేడియంలో ‘టిమ్స్’ పేరుతో తెలంగాణ ప్రభుత్వం అత్యంత ప్రతిష్టాత్మకంగా ‘కరోనా ప్రత్యేక హాస్పిటల్’ని సిద్ధం చేస్తున్నట్లు గతంలో ప్రకటించినా, అదిప్పటివరకు అందుబాటులోకి రాలేదు. ‘దేశంలోనే మొట్టమొదటి హాస్పిటల్..’ అని ప్రచారం చేసుకుంది తెలంగాణ ప్రభుత్వం. కేంద్ర బృందం ఇటీవల ఈ ‘టిమ్స్’ని సందర్శించింది. ‘ఇదిగో అందుబాటులోకి.. అదిగో అందుబాటులోకి..’ అని తెలంగాణ ప్రభుత్వం చెబుతున్నా, అది పూర్తిగా ఎప్పటికి రోగులకు సేవలందిస్తుందో ఎవరికీ తెలియని పరిస్థితి.
అన్నట్టు, ఢిల్లీలో ప్రపంచంలోనే అతి పెద్దదైన కోవిడ్ స్పెషల్ హాస్పిటల్ని రికార్డ్ సమయంలో అందుబాటులోకి తెచ్చారు. ఇదిలా వుంటే, కేంద్రం కరోనా పేషెంట్లకు వైద్య చికిత్స అందించే విషయమై సరికొత్త మార్గదర్శకాలు జారీ చేసింది. వాటి ప్రకారం, లక్షణాలు లేనివారికి, స్వల్పంగా లక్షణాలు వున్నవారికి ‘హోం ఐసోలేషన్’ సరిపోతుంది. దీన్ని ప్రైవేటు ఆసుపత్రులు అత్యద్భుతంగా వాడేసుకుంటున్నాయి. ‘కరోనా వైరస్ కిట్ – ప్యాకేజీ’ పేరుతో మేగ్జిమమ్ దండేసుకుంటున్నాయి. ఆసుపత్రుల్లో చేరితే ఇక అంతే సంగతులు. మరి, తెలంగాణ ప్రభుత్వం ఏం చేస్తున్నట్లు.?
ప్రభుత్వం తరఫున కూడా వైద్య సహాయం ‘హోం క్వారంటైన్’లో వున్నవారికి అందుతున్నప్పటికీ, ఈ విషయమై అవగాహన చాలా తక్కువగా వుంది ప్రజల్లో. ప్రభుత్వ పథకాలకు పబ్లిసిటీ చేసుకునే స్థాయిలో ఇప్పుడు ఈ కరోనా విషయంలో ప్రచారం చేయాల్సిన అవసరం ఎంతైనా వుంది. కేసుల సంఖ్య గణనీయంగా పెరుగుతున్న దరిమిలా, హోం ఐసోలేషన్ సంగతెలా వున్నా, ప్రభుత్వ ఆసుపత్రులు మరింత సమర్థవంతంగా పనిచేయాలి. ఈ క్రమంలో సుమారు 1500 బెడ్స్ కలిగిన ‘టిమ్స్’ ఆసుపత్రి పాత్ర అత్యంత కీలకం.
ఓ పక్క ప్రాణాలు కోల్పోతున్నా ‘టిమ్స్’ని అందుబాటులోకి తీసుకురావడంలో అలక్ష్యం ఎందుకు జరుగుతోంది.? అన్న ప్రశ్నకు ప్రభుత్వ పెద్దలు సమాధానం చెప్పాల్సిందే. తెలంగాణ ధనిక రాష్ట్రమని చెప్పుకుంటే సరిపోదు.. తెలంగాణలో కరోనా పరిస్థితి అత్యంత భయానకం.. అన్న ‘చెడ్డ’ పేరు రాకుండా ముందే జాగ్రత్త పడాలి. కానీ, జరగాల్సిన నష్టం జరిగిపోయింది. ఇకనైనా, ప్రభుత్వం మేలుకుని, టిమ్స్ విషయంలోనూ, హోం ఐసోలేషన్ విషయంలోనూ మరింత స్పష్టతను ఇస్తుందేమో వేచి చూడాలి.
TIMS is ready to serve #COVID19 patients. pic.twitter.com/507Q6MHcfo
— Eatala Rajender (@Eatala_Rajender) July 6, 2020
982306 866255But an additional intelligent weblog! Completely cannot wait for a great deal more! 585080
183804 826688I like this website so significantly, saved to favorites . 810029