మెగా హీరో కోసం తమిళ్ హీరోకి అంత రెమ్యునరేషనా.!!

స్వయంకృషితో చిన్నగా మొదలై మెగాస్టార్ గా ఎదిగిన చిరంజీవి వేసిన గోల్డెన్ వేలో ఇప్పటికే అరడజను పైగా హీరోలు తెలుగు ప్రేక్షకులకు పరిచయమయ్యారు. వారి బాటలోనే త్వరలో హీరోగా పరిచయం కానున్న మెగా వారసుడు పంజా వైష్ణవ్ తేజ్. సాయి ధరమ్ తేజ్ తమ్ముడైన వైష్ణవ్ తేజ్ ని సుకుమార్ అసోషియేట్ అయిన బుచ్చిబాబు డైరెక్షన్ లో రానున్న ‘ఉప్పెన’ మూవీ ద్వారా లాంచ్ చేస్తున్నారు. ఈ సినిమా ఇటీవలే లాంచ్ అయ్యి, ప్రస్తుతం షూటింగ్ స్టేజ్ లో ఉంది.

ఈ సినిమాలో నెగటివ్ షేడ్స్ ఉన్న పాత్రలో, హీరోయిన్ ఫాదర్ గా తమిళ స్టార్ హీరో ‘మక్కల్ సెల్వన్’ విజయ్ సేతుపతి నటిస్తున్నారు. ఆయన కూడా ఇటీవలే ఈ చిత్ర షూటింగ్ ప్రారంభించారు. కథా ప్రకారం ఇలాంటి స్టార్ హీరోని తీసుకురావడం ఓకే కానీ బడ్జెట్ విషయంలో కూడా కంట్రోల్ లో ఉండాలి. ఎందుకంటే వైష్ణవ్ తేజ్ మొదటి సినిమా ఇది. ఎక్కువ పెట్టినా, సినిమా అనుకున్నంత లేకపోయినా లేక హిట్ అయినా ఆ రేంజ్ రికవరీ అవ్వకపోవచ్చు. కానీ ఈ చిత్ర టీం అదేమీ లెక్క చేయకుండా ఈ సినిమాకి భారీగా ఖర్చు పెడుతోందట.

అందులో భాగంగానే విజయ్ సేతుపతిని ఈ ప్రాజెక్ట్ లోకి తీసుకోవడానికి సుమారు 5 కోట్ల రెమ్యునరేషన్ ఇచ్చారట. ఆయన రేంజ్ కి అది పర్ఫెక్ట్ అయినా మెగా హీరో లాంచ్ సినిమాకి ఇక్కడే ఇంత పే చేయడం వల్ల సినిమా పూర్తి అయ్యేటప్పటికి సుమారు 20 కోట్ల వరకూ అవ్వచ్చని ఈ చిత్ర వర్గాలు చెబుతున్నాయి. సుకుమార్ రైటింగ్స్ – మైత్రి మూవీ మేకర్స్ వాళ్ళు కలిసి నిర్మిస్తున్నారు. వీళ్ళు ఇంకా ప్రూవ్ చేసుకోని మెగా హీరో లాంచ్ సినిమాకి జస్ట్ మెగా హీరో అనే ట్యాగ్ లైన్ చూసి ఇంత బడ్జెట్ పెట్టి రిస్క్ చేస్తుండడం చూసి ట్రేడ్ వర్గాలు షాక్ అవుతున్నాయి.