రామ్గోపాల్ వర్మా.. నీకిదేం ఖర్మ.? అని అనుకోకుండా వుండలేకపోతున్నారు ఆయన్ని అభిమానించేవాళ్ళు కూడా. ‘శివ’ సినిమా తీసిన వర్మ ఎక్కడ.? బాలీవుడ్లో ‘సత్య’ లాంటి సినిమాలు తీసిన వర్మ ఇకపై కన్పించడా.? అని వర్మ అభిమానులు కళ్ళు కాయలు కాచేలా ఎదురుచూస్తున్నారు చాలాకాలంగా. పరమ రొటీన్గా ‘అంతా నా ఇష్టం’ అనుకునే వర్మ, ‘ఖర్మ’ కాలిపోయిన సినిమాలు.. కాదు కాదు, స్కిట్స్తో సరిపెట్టేస్తున్నారు ఇటీవలి కాలంలో.
సోషల్ మీడియాలో ట్వీట్లకు సరిపోయే కంటెంట్తోనే సినిమాలు తీసేస్తున్నాడాయన. ఈ క్రమంలో ‘కమ్మ రాజ్యంలో కడప రెడ్లు’ మరో ఆణిముత్యం కాబోతోందని ట్రైలర్ బిగినింగ్తోనే అర్థమయిపోయింది. ‘వీరప్పన్’ని వర్మ తెరపై చూపిస్తే.. నిజంగానే వీరప్పన్ అలానే వుంటాడేమోనని అందులో నటుడ్ని చూసి అనుకున్నాం. కానీ, ఇక్కడ చంద్రబాబుని చూపించినా, ఇంకొకర్ని చూపించినా.. జుగుప్సాకరంగా అన్పిస్తున్నాయి.
‘ఇంతకు మించి ప్రేక్షకులకి అవసరం లేదు’ అని వర్మ అనుకుంటున్నాడా.? ‘నా స్థాయి ఇంతే’ అని వర్మ ప్రూవ్ చేసుకుంటున్నాడా.? అనేది మాత్రం ఎవరికీ అర్థం కావడంలేదు. ఎడిటింగ్, సౌండింగ్, సినిమాటోగ్రఫీ.. ఇవన్నీ వర్మ సినిమాల్లో టాప్ క్లాస్లో వుండేవి ఒకప్పుడు. ఇప్పుడవన్నీ నాసిరకమే. ఆ నాసిరకంలోనూ పరాకాష్ట ‘కమ్మ రాజ్యంలో కడప రెడ్లు’ ట్రైలర్ అని చెప్పుకోవచ్చేమో.
వైఎస్ జగన్ని మెప్పించడం కోసం జగన్ పాత్రని బలంగా తీర్చిదిద్దిన వర్మ, మిగతా పాత్రలన్నిటినీ విలన్లుగా చూపించే ప్రయత్నంలో కామెడీ అయిపోయాడు. ప్రభుత్వాలు మారితే, రాజ్యాల్లోకి కొత్త కులాలు అధికారంలోకి వచ్చినట్లా.? వర్మ తన స్థాయిని ఇంతగా దిగజార్చేసుకుని ఎలా ఆలోచిస్తున్నాడట.? రేప్పొద్దున్న మళ్ళీ టీడీపీ అధికారంలోకి వస్తే, రెడ్ల రాజ్యంలో బెజవాడ కమ్మోళ్ళు అంటాడేమో.
ఈక్వేషన్స్ మారి పవన్ కళ్యాణ్ ముఖ్యమంత్రి అయితే, రెడ్ల రాజ్యంలో కాపులనే సినిమా తీస్తాడేమో. లోకేష్కి పప్పు వడ్డిస్తున్న చంద్రబాబు, కర్కశంగా నరికేసుకుంటున్న గూండాలు.. ఇంతకి మించి ‘కమ్మ రాజ్యంలో కడప రెడ్లు’ ట్రైలర్లో ఏముందని.? టీడీపీ అంటే గిట్టని వైసీపీ మద్దతుదారులు పండగ చేసుకోవచ్చుగాక. అలాంటివారి కోసం సోషల్ మీడియాలో చాలా వీడియోలున్నాయి. క్వాలిటీ పరంగా చూస్తే, అలాంటి వీడియోల్లో కొన్ని ‘కమ్మ రాజ్యంలో కడప రెడ్లు’ కంటే బెటర్గా వుంటాయ్.
644448 989127Thank her so considerably! This line is move before dovetail crazy, altarpiece rather act like habitual the economizing – what entrepreneur groovy night until deal with starting a trade. 15816